کابل ۱۹ ثور باختر
صنعت و تجارت وزیرلیگی نینگ سرپرست وزیری بادغیسگه تشریف بویوردی.
الحاج نورالدین عزیزی اقتصادی لایحه‌لرنی اورگنیش مقصدیده بادغیسگه سفر قیلدی و رسميلر بیلن اوچره‌شدی.
اوشبو اوچره‌شووده وزیرلیک تامانیدن بادغیس ولایتی صنعت پارکی برپا ایتیش ریجه‌سی بارلیگی و محلی محصولاتلر ایشلب چیقریشنی کوپه‌یتیریش، یاشلر اوچون ایش ا‌ورینلری یره‌تیشگه حرکت قیلینه‌یاتگنینی ایتدی.
مملکتیمیز صنعت و تجارت وزیرلیگی نینگ سرپرست وزیری صنعت پارکی حدودیگه تشریفی چاغیده بادغیس ولایتی حاکمی اورین‌باسرلری، محلی حاکملیکلر باشلیغلری بیلن اوچره‌شیب، اولر نینگ سوراولرینی تینگله‌دی.
الحاج نورالدین عزیزی بادغیسده ۲۴ ساعتلیک برق انرژیسی موجودلیگیگه اشاره قیلیب، بو ولایتگه سرمایه کیریتیش اوچون اساس یره‌تیلگنینی ایته‌دی.
اونینگ ایتیشیچه، اسلام امیرلیگی برچه ولایتلرگه اعتبار قره‌ته‌‌دی و اقتصادی ریجه‌لرنی عملگه آشیره‌دی.
عزیزی، شونینگدیک، بادغیسدن اوتووچی حلقه موتر یولی قوریلیشی تیزلیگیگه علیحده اورغو بیردی.
کانلرنی فعاللشتیریش، تورکمنستان چیگره‌سیده بندر برپا ایتیش، بادغیس تومنلریده یوللر قوریش و ایش ا‌ورینلری یره‌تیش بادغیس فقرالری نینگ اساسی طلبلریدن بولیب، اولر صنعت و تجارت وزیرلیگی نینگ سرپرست وزیری بیلن همکارلیکده قوییلگن.
