کابل ۱۹ ثور باختر
مخابرات و اخبارات تکنالوژی وزیرلیگی نینگ سرپرست وزیری مولوی نجیب لله حیات حقّانی رئیسلیگیده مذکور وزیرلیک رهبریتی نینگ ییغیلیشی بولیب اوتدی و مذکور وزیرلیک نینگ تخنیکی و تکنالوژی ساحهلرینی مستحکملش اوچون علمی استعدادلرنی جلب ایتیشگه اعتبار قرهتیلدی.
باختر آژانسیگه کوره؛ اوشبو ییغیلیشده مذکور وزیرلیک نینگ تورلی باشقهرمهلری نینگ فعالیتی و وظیفهلری بهالنیب، برچه باشقهرمهلر اوز ایشینی ریجه اساسیده تیزکارلیک و موافقلیک بیلن بجریشلری ضرورلیگی تأکیدلندی.
سونگره مذکور وزیرلیک نینگ اخبارات تکنالوژیلرینی تدقیق ایتیش و رواجلنتیریش باش باشلیغی ولایت کامپيوتر اوقوو مرکزلرینی جهازلش بوییچه معروضه قیلدی و اوشبو وزیرلیک ولایت باشقرمهلری نینگ خرید ریجهلری بحث قیلیندی.
مخابرات و اخبارات وزیرلیگی نینگ سرپرست وزیری اوز نطقیده اوشبو وزیرلیک باشقرمهلری نینگ ولایتلردهگی کامپيوتر اوقوو مرکزلرینی کوچهیتیریشگه علیحده توختهلیب، اوشبو اوقوو مرکزلری نینگ صلاحیتینی آشیریش بارهسیده علیحده اعتبار قرهتیش لازملیگینی قوشیمچه قیلدی.
او قوشیمچه قیلدی: مخابرات و اخبارات تکنالوژی وزیرلیگی نینگ مملکت ایچیده و تشقریسیده تعلیم دستورلری بیلن تنیشهیاتگن خادملری اوز یوتوقلرینی عملی و یازمه شکلده وزیرلیک بیلن بهم کوریشلری کیرهک، شونده جمغرمهلری ایشلرنی عملگه آشیریشنی یخشیلشگه یونهلتیریلهدی.
خودّی شوندهی، مذکور ییغیلیشده تخنیکی و تکنالوژی ساحهلرنی مستحکملش مقصدیده علمی کادرلرنی جلب ایتیش و اولرنی ایشگه جایلشتیریش مسألهلری هم بحث قیلیندی و علیحده تأکیدلندی.
قید ایتیش کیرهککی، مخابرات و اخبارات تکنالوژی وزیرلیگی تامانیدن تخنیکی ساحهلر بوییچه دوکتورا توری درجهسیگه قدَر بولگن معلوماتلی کادرلرنی جلب ایتیب، ایشگه جایلشتیرگنی مملکتیمیزده تکنالوژی نینگ اوسیشی و رواجلنیشیده ثمرهلی بولماقده.