کابل ۱۶ دلو باختر
خیبرپختونخوا ایالاتیده دیره اسماعیل خان نینگ پولیس بازه‌سیگه (پایگاه) قوراللی هجوم نتیجه‌سیده اون کیشی پولیس هلاک بولدی.
رویترز اخبارات آژانسی نینگ معلوم قیلیشیچه، حادثه بوگون ایرته‌لب دیره اسماعیل خان نینگ دارابان حدودیده صادر بولیب، اونته پاکستانلیک خوفسیزلیک خادیمی هلاک بولگن و ینه آلتی پولیس یره‌لنگن.
اوشبو خبرگه کوره، قوراللی هجومچیلر اوّلیگه میرگن بیلن پولیس بازه‌سی قوریقچیلرینی نشانگه آلگن، سونگره مرکزگه کیرگن.
رویترز، ملک عنیس الحسن ملک ایقتیباس کیلتیردی؛ دارابانده‌گی پولیس باشلیغی اورین‌باسری، «هجومچیلر پولیس بولیمی بناسیگه کیرگندن سونگ قول نارنجکلرینی قولله‌گن، بو ایسه پولیس‌لرنینگ هلاکتیگه سبب بولگن»، دیدی.
پاکستان نینگ جیونیوز خبریگه کوره، هجومچیلر قاچیشگه موفق بولیشگن.
بو خبرگه کوره، پاکستان خوفسیزلیک کوچلری حدودنی اوره‌ب آلیب، قاچگن جنگریلرنی قوویش اوچون قیدیروو عملیاتلرینی باشله‌گن.
حاضرچه هیچ بیر شخص یاکه گروه بو قانلی واقعه اوچون جوابگرلیکنی اوز ذمّه‌سیگه آلمه‌دی.
