کابل، ۱۹ جدی، باختر
عالی تعلیم وزیرلیگی نینگ سرپرست وزیری شیخ الحدیث مولوی ندا محمد ندیم کابل تعلیم و تربیه بیلیم یورتی نینگ علمی کینگش اعضالری و تورلی بولیملری آمرلری بیلن علیحده اوچره‌شوولرده تعلیم و اوشبو بیلیم یورتی نینگ اهمیتی حقیده گپیردی.
باختر آژانسیگه کوره؛ مذکور ییغیلیشلرده عالی تعلیم وزیرلیگی نینگ سرپرست وزیری مذکور بیلیم یورتی رهبریتی، علمی کینگش اعضالری و دیپارتمنت آمرلری نینگ فکر-ملاحظه‌لری، طلب و تکلیفلرینی تینگلب، مملکتیمیزده تعلیم نینگ اهمیتی، بو باره‌ده‌گی اورنی حقیده سوز یوریتدی. بو بیلیم یورتی یاش کادرلر تیارلشده
او شونده‌ی دیدی: سیز بیتیرگن طلبه‌لر باشقه ساحه‌لر بیتیرووچیلری بیلن سالیشتیرگنده جمعیتده مهم ا‌ورین توته‌‌دی، چونکه تعلیم بیلیم یورتی بیتیرووچیلری مملکتیمیز نینگ بوله‌جک پروفیسور-اوقیتووچیلری بولیب، یورت فرزندلرینی تربیه‌لش مسوولیتینی اوز ذمّه‌لریگه آله‌دیلر.
عالی تعلیم وزیرلیگی نینگ سرپرست وزیری اوشبو بیلیم یورتی نینگ رهبریتی و پروفیسور-اوقیتووچیلری نینگ طلبلری خصوصیده شونده‌ی دیدی: افغانستان اسلام امیرلیگی مملکت تعلیم تیزیمینی مستحکملش طرفداری بولیب، اوزی نینگ مادّی-تخنیکی بازه‌سی طفیلی اوشبو ساحه‌گه علیحده اعتبار قره‌تگن.
سونگ؛ کابل تعلیم و تربیه بیلیم یورتی نینگ باشلیغی شیخ الحدیث مولوی سید بشیر آغا هاشمی اوشبو بیلیم یورتی فعالیتی حقیده معلومات بیردی.
ایتیش جایزکی، حاضرده کابل تعلیم بیلیم یورتیده ۹ ته فاکولته، ۳۲ ته دیپارتمنت و ۹ ته ماستر توری یونه‌لیشی موجود.
باشقه بیر خبرگه کوره:
عالی تعلیم وزیرلیگی نینگ سرپرست وزیری عبدالله ابن مسعود رضی الله عنه علمی کینگشی ییغیلیشیده اشتراک ایتدی.
مذکور ییغیلیشده نامی تیلگه آلینگن جمعیت باشلیغی مفتی احسان الله احسان سوزگه چیقیب، مذکور جمعیتده‌گی جریان، فعالیت و ایریشیله‌یاتگن یوتوقلر حقیده معلومات بیریب، عالی تعلیم وزیرلیگی نینگ سرپرست وزیری بیلن اوز تیلک و معمالری بیلن اورتاقلشدی.
سونگ، عالی تعلیم وزیرلیگی نینگ سرپرست وزیری سوزگه چیقیب، مملکتیمیزده دینی یونه‌لیشلر نینگ قدر-قیمتی حقیده معلومات بیریب، ایلگری دینی فنلرگه اونچه‌لیک اعتبار بیریلمه‌گنینی تاکیدله‌دی.
شونینگدیک، عالی تعلیم وزیرلیگی نامیده‌گی جماعه رهبریتی و پروفیسور-اوقیتووچیلری نینگ طلب و معمالرینی حل ایتیش بوییچه اعتبار قره‌تیشینی تاکیدلب، مذکور نهاد فعالیتینی ستندردلشتیریشگه علیحده توخته‌لیب اوتدی.
