کابل ۲۸ حمل باختر
باش وزیرلیک ادارهسی نینگ سیاسی اورینباسری ایران نینگ کابلدهگی ایلچیسی اورینباسری بیلن اوچرهشوویده ایران نینگ اسرائیلگه هجومینی قانونی حمایه دیب اتهدی.
ارگ اخبارات نامهسیده شوندهی یازدی: افغانستان اسلام امیرلیگی نینگ باش وزیرلیک ادارهسی سیاسی اورینباسری مولوی عبدالکبیر ایران نینگ کابلدهگی ایلچیسی اورینباسری سید حسن مرتضوی بیلن اوچرهشدی.
بو اوچرهشووده سید حسن مرتضوی افغانستان اسلام امیرلیگی نینگ خلقارا مسألهلرده توتگن اورنینی قدرلشدن تشقری، کابل و تهران اورتهسیدهگی علاقهلرنی کینگهیتیریشنی خواهلهدی.
مرتضوی نینگ ایتیشیچه، تهران-افغانستان و اونینگ قوشنیلری اورتهسیدهگی ایجابی مناسبتلرنی دوام ایتتیریش طرفداری و اسلام امیرلیگی نینگ منطقه دولتلری بیلن ایجابی اوزارا همکارلیگیگه یول آچیشگه حرکت قیلماقده.
اونگه کوره؛ اسلام امیرلیگی نینگ مخالفلری ایرانده عادی مهاجر صفتیده یشهیدی و سیاسی فعالیت بیلن شغللنیشگه رخصت بیریلمیدی.
مرتضوی شونینگدیک، قوشیمچه قیلدی: تهران و اسلام امیرلیگی اورتهسیده تورلی ساحهلرده توزیلگن کیلیشوولرنی عملگه آشیریش اوچون زمينه یرهتیب، افغانستان بیلن اقتصادی، سودا و ساغلیقنی سقلش ساحهلریده همکارلیک قیلیشگه تیار.
بو ییغیلیشده افغانستان اسلام امیرلیگی وزیرلیگی نینگ سیاسی اورینباسری مولوی عبدالکبیر ایران نینگ اسرائیلگه هجومینی قانونی حمایه دیب اتهدی.
باش وزیرلیک ادارهسی نینگ سیاسی اورینباسری ایران نینگ افغانلر بیلن کورستگن یاردمی و همکارلیگیگه منّتدارچیلیک بیلدیرر ایکن، کابل و تهران اورتهسیدهگی مناسبتلر رواجیگه اورغو بیریب، اسلام امیرلیگی برچه قوشنیلری بیلن یخشی علاقهلر بولیشینی ایستشینی ایتدی.