کابل، ۱۳ قوس، باختر
باش وزیرلیک اداره سی نینگ اورین باسری مولوی عبدالسلام حنفی اسلام مملکتلری علمالریدن اسلام امیرلیگی ایریشهیاتگن یوتوقلر و بنیادکارلیک حرکتلریدن دنیا و مسلمانلرنی خبردار قیلیشنی سوردی.
بو اورین باسرلیک مطبوعات خدمتی اخبارات نامه سیده شوندهی دیب یازهدی: مولوی عبدالسلام حنفی کابلدهگی مسلمان علمالری اویوشمهسی نینگ بیر قطار علمالری و آقسقاللری بیلن اوچرهشوویده بو طلبنی کوتردی.
مولوی حنفی مسلمانلر نینگ بیرلیگی و بیرلیگیده عالِملر نینگ رولینی مهم دیب اتهدی و شوندهی دیدی: بوتون افغانستانده تینچلیک و خوفسیزلیک اورنهتیش، مأموری فسادگه برهم بیریش، بنگی وار ماده لرینی ایکیش، تجارت و قاچاق قیلیش، معتادلرنی ییغیش و دوالش، محتاجلر نینگ درآمدینی انیقلش، ربا و سودخورلیک نینگ آلدینی آلیش – تعقیقلش، اداره و نفقه (معاش) ایشلریده اصلاحاتلر اوتکزیش اسلام امیرلیگی نینگ جدی و مهم چاره – تدبیرلریدن بولیب، علمالر و شیخلر دنیاگه و مسلمانلرگه ییتکزیشی لازم بولگن چاره – تدبیرلر دیر.
حنفی نینگ قوشیمچه قیلیشیچه، امیرالمؤمنین «حفظه الله تعالی» نینگ عمومی عفو اعلان قیلینیشی بیلن مملکتده مینگلب آدملر نینگ حیاتی سقلنیب قالگن و قصاص آلیش نینگ آلدی آلینگن.
افغانستانلیک مهاجرلر نینگ پاکستاندن دیپورتیگه توختهلر ایکن، باش وزیرلیک اداره سی نینگ اورینباسری بو دیپورت برچه خلقارا معیارلرگه ضد عملگه آشیریلگن بولسه – ده، اسلام امیرلیگی بو جریاننی یخشی باشقهریب، قَیتیب کیلگنلر نینگ معمالری بیلن شغللنگنی و قیدیریلهیاتگنینی تأکیدلهدی. اولرنی دایمی جایلشتیریش اوچون هم جمعيت همکارلیگی خلقارا ضرورلیگی دیدی.
دوکتور شیخ علی محی الدین علی القره داغی باشچیلیگیدهگی بو علمالر افغانستانده اسلامی توزوم برپا ایتیلگنیدن ممنون ایکنلیکلرینی بیلدیریب، خلقارا ایشلرده اسلامی مملکتلر و خلقلر نینگ بیرلیگی بوگونگی کون طلبلریدن بیری ایکنلیگینی، اسلامی حکومتلر، بونی توشونیب، مسأله دنیا مسلمانلرینی بیر – بیرلری بیلن بیرلشتیریشگه حرکت قیلیش دیر.
شونینگدیک، اولر اسلام امیرلیگی نینگ جهانی خوفسیزلیکنی تأمینلش، اسلام قانونلرینی تطبیق ایتیش، افغانستاننی تورلی ساحهلرده رواجلنتیریش و قَیته قوریش کبی مسألهلردهگی حرکتلرینی آلقیشلهدیلر.
ایتیش جایزکی، مسلمان علمالری اتفاقی علمالری و آقسقاللری افغانستان اسلام امیرلیگی نینگ کوپلب مسوول عملدارلری، جملهدن، اسلام امیرلیگی باش وزیرلیک اداره سی نینگ باشلیغی ملا محمد حسن آخوند بیلن اوچرهشوولر اوتکزدی.