کابل ۲۳ دلو باختر
باش وزیرلیک اداره سی نینگ اورینباسری مولوی عبدالسلام حنفی کابل مونیتسیپلیتیتی تخنیکی اورینباسری انجنیر امیر یاسر بیلن اوچرهشدی.
باش وزیرلیک اداره سی نینگ مطبوعات خدمتی اخبارات نامه سیده شوندهی یازهدی: «اوشبو اوچرهشووده کابل بلدیه سی فعالیتی، وظیفهلری و دستورلری بحث قیلیندی و عبدالسلام حنفی کابل بلدیه سی نینگ ترتیب اورنهتیشدهگی فعالیتی نی یوقاری بهالهلب، رواجلنیش لایحهلرینی تشکیل ایتیش و ایشگه توشیریش: بلدیه نینگ و باشقه تیگیشلی ادارهلر رسميلری کابل شهرینی تازهلش، کوکلمزارلشتیریش، ترتیب و یشهش اوچون کوپراق حرکت قیلیشلری کیرهکلیگینی تأکیدلهدی.
باش وزیرلیک اداره سی اورینباسری، شونینگدیک، کابل شهریده ییریک آبادانلشتیریش لایحهلری باشلنگنی ترقیات و ترقیاتگه اینتیلیش بولسه، «بودجه و ایچکی کوچ» بیلن ترقیات و ترتیبگه سالیشگه ایریشیش ممکنلیگینی کورستدی، دیب قوشیمچه قیلدی.
کابل بلدیه سی تخنیکی مدیریت اورینباسری انجنیر امیر یاسر هم شوندهی دیدی: مملکتده اسلام امیرلیگی قَیته تیکلنگنیدن بیری بو مأموریت ایچکی بودجه بیلن کابل شهری نینگ تورلی قِسملریده کوپلب ترقیات لایحهلرینی ایشگه توشیریش و یکونلش امکانیتیگه ایگه بولدی. و کیلگوسی ییلده ریجهلر و لایحهلرنی ایشلب چیقیش کوریب چیقیلهدی.
تأکیدلش جایزکی، کابل بلدیه سی ایکّی ییلدن آرتیق وقت دوامیده کابل شهرینی آبادانلشتیریش، ترتیبگه سالیش و کوکلمزارلشتیریشده کتّه و مهم رول اوینهدی و ایچکی بودجه سیدن فایدهلنگن حالده اوشبو شهرنی رواجلنتیریش لایحهلرینی یکونلشگه موفق بولدی.