کابل، ۱۹ جدی، باختر
مولوی عبدالسلام حنفی، باش وزیرلیک اداره سی نینگ اورین باسری: «علمالر تیزیمنی مستحکملش و خلق نینگ تورلی قتلملری اورته‌سیده بیرلیکنی سه‌قلشده مهم رول اوینیدی.
باش وزیرلیک اداره سی نینگ مطبوعات خدمتی اخبارات نامه سیده یازیلیشیچه، مولوی عبدالسلام حنفی بو حقده جوزجان علمالر کینگشی باشلیغی شیخ خیر الله بیلن اوچره‌شوویده ایتگن.
اوشبو اوچره‌شووده شیخ خیر الله ولایتده‌گی اجتماعی، اقتصادی و تعلیم ساحه‌سیده‌گی وضعیت حقیده باش وزیرلیک اداره سی نینگ اورین باسری بیلن باغلیق معلومات بیرر ایکن، شونده‌ی دیدی: «جوزجانده‌گی محلی عملدارلر خوفسیزلیکنی تأمینلشده جانبازلیک کورسه‌تدیلر و اوزلرینی یخشی توتیشدی.
اسلام امیرلیگیده برچه ساحه‌لرگه، خصوصاً، تعلیم-تربیه ساحه‌سیگه علیحده اعتبار قره‌تیله‌یاتگنینی تأکیدله‌گن جوزجان علما کینگشی باشلیغی اسلام امیرلیگی رهبریتیدن ولایت نینگ چیکّه حدودلریده هم مدرسه لر، مکتبلر، مهربانلیک اویلری تشکیل ایتیش، شونینگدیک، اهالی اوچون ایش ا‌ورینلری یره‌تیشنی سوردی. یاشلرگه و مجاهدلر معمالری بیلن شغللنیشگه هم کوپراق اعتبار قره‌تیش لازم دیدی.
باش وزیرلیک اداره سی نینگ اورین باسری مولوی عبدالسلام حنفی نینگ ایتیشیچه، خلق نینگ تورلی قتلملری اورته‌سیده تیزیم و بیردملیکنی مستحکملشده علمالر مهم اورین توته‌‌دی، شو نینگ اوچون هم مملکت علمالری و آقسقاللری بو باره‌ده‌گی ایشلرنی ینه‌ده کوچه‌یتیریشلری ضرور، بو یونه‌لیشده‌گی سعی-حرکتلری اونوملی تمام بوله دی.
شونینگدیک، او اسلام امیرلیگی رسميلری خوفسیزلیکنی تامینلش و خلق اوچون قوله‌یلیکلر یره‌تیشده بار کوچ-غیرتینی ایه‌مسلیگینی و بیریلگن تکلیفلرنی امکانیتلردن کیلیب چیققن حالده کوریب چیقیشینی قوشیمچه قیلدی.
