کابل، ۲۸ جدی، باختر
مولوی امیر خان متقی، تشقی ایشلر وزیرلیگی نینگ سرپرست وزیری، یقینده بیرلشگن ملتلر تشکیلاتی نینگ بشردوستلیک و ترقیات مسأله‌لری بوییچه خادیمی و یوناما اورین‌باسری ایتیب تعیینلنگن اندریکا رتواتی بیلن اوچره‌شدی.
تشقی ایشلر وزیرلیگی مقریگه بولیب اوتگن اوشبو اوچره‌شووده متقی اونی ینگی تعیینلنگنی بیلن تبریکله‌دی و یوناما رهبری نینگ سابق اورین‌باسری دانیل اندرسگه رهبرلیگی و سعی-حرکتلری اوچون منّتدارچیلیک بیلدیردی همده کیلگوسی فعالیتیده موفقیتلر تیله‌دی.
مولوی متقی مذکور اوچره‌شووده افغانستان اسلام امیرلیگی بو مملکتده انسانی ایشلر و ترقیات اوچون مناسب شرایط یره‌تیلگنینی، بو نینگ نتیجه‌سیده سونگگی ایکّی ییل دوامیده بو ساحه‌لرده‌گی ایشلر یخشی رواجلنگنینی تاکیدله‌دی.
اندریکا رتواتی شونده‌ی دیدی: او افغانلر، اینیقسه قوشنی دولتلرده یشه یاتگن افغانلر و قَیتیب کیلگنلر نینگ معمالرینی کمه‌یتیریشگه حرکت قیلدی.
رتواتی اوزینی بشردوستلیک و ترقیات ساحه‌سیده افغانلرنی قولیدن کوتاریش اوچون کوپراق حرکت قیلیشگه قرار قیلدی.
تاکیدلنیشیچه، مملکت تشقی ایشلر وزیرلیگی نینگ سرپرست وزیری اسلام امیرلیگی بیرلشگن ملتلر تشکیلاتی نینگ افغانستانده‌گی ترقیات و بشردوستلیک مسأله‌لر بوییچه وکیلی بیلن هر تامانله‌مه همکارلیک قیلیشگه ایشانتیردی.
