کابل ۱۱ حمل باختر
کان و پترولیم وزیرلیگی نینگ سرپرست وزیری «مس عینک» قردادی شرکت باشلیغی بیلن اوچرهشوویده مس عینک کانیده عملی ایشلرنی تیزلشتیریش و باشلشنی سوردی.
کان و پترولیم وزیرلیگی مطبوعات خدمتی اوشبو خبرنی اعلان قیلگن حالده شوندهی دیدی: اوشبو وزیرلیک نینگ وزیری شیخ الحدیث شهابالدین دلاور مس عینک لایحهسی نینگ شرطنامه بوییچه باشلیغی سانگ و اونینگ ایشچی گروهی بیلن اوچرهشدی.
اوشبو اوچرهشووده لایحه باشلیغی «مس عینک» لایحهسی بیلن باغلیق تورلی مسألهلر حقیده گپیرر ایکن، سونگگی پیتلرده «مس عینک» کارخانهسیده عملگه آشیریلهیاتگن ایشلر، ایش ریجهلری و لایحه نینگ عملی ایشلرینی باشلش اوچون تکلیفلر حقیده معلومات بیردی.
کان و پترولیم وزیرلیگی نینگ سرپرست وزیری اونینگ تکلیفلرینی تینگلب، اولر نینگ ایش ریجهلریگه بها بیرر ایکن، یقین کونلرده «عینک مس» کارخانهسیده هم عملی ایشلرنی تیزلشتیریش و یولگه قوییشنی سوردی همده اَیریم مسألهلرنی حل ایتیش یوزهسیدن تیگیشلی نهادلرگه ضرور تاپشیریقلر بیردی.