کابل ۱۸ حوت باختر
قندوز ولایتده عامه منفعتلر لایحه‌سی شیرخان بندر دوراهی شهرچه‌سیده آلتی میلیونگه یقین افغانی بولگن عامه منفعتلر لایحه‌سی قوریلیشی باشلندی.
اوشبو لایحه شیرخان بندر بلدیه سی نینگ حاجتخانه(تشناب)لری، مبرزلر و دوکانلرینی قوریشنی اوز ایچیگه آله‌دی، بو شهرچه نینگ شهر بودجه سیدن آلتی میلیون افغانگه یقین مبلغگه قوریله‌دی.
متصدیلر اوشبو لایحه نینگ قوریلیش ایشلری خلق طلبیدن کیلیب چیقیب باشلنگنینی و یقین تورت آی ایچیده یکونلنیب فایده‌لنیشگه تاپشیریلیشینی ایتیشدی.
عینِ پیتده، جاری ییلده قندوز شهریده آبادانلشتیریش و قوریلیش لایحه‌لری عملگه آشیریلیشی کوپه‌ییب، قندوز ولایتی متصدیلری تامانیدن ولایتده‌گی آبادانلشتیریش و عامه منفعتلر یولیده‌گی لایحه‌لرنی عملگه آشیریشگه جدّی یاردم بیریلماقده.
