کابل ۲۹ حمل باختر
قبیلهلر، قبیله و چیگره ایشلری بوییچه معینی ځاځی قبیلهسی نینگ آقسقاللری بیلن بولگن اوچرهشوویده شوندهی دیدی: مملکتدهگی ایتنیک گروهلر اوزارا موافقلشیب، مملکت ترقیاتی و رواجلنتیریش اوچون حرکت قیلیشلری کیرهک دیدی.
بوگون قبیلهلر، قیبله و چیگره ایشلری وزیرلیگی مطبوعات خدمتی اوشبو خبرنی اعلان قیلدی: اوشبو وزیرلیک نینگ جرگه و قبیله ایشلری بوییچه معینی مولوی محمد علی جان احمد دینی علمالر، قبیله آقسقاللری و ځاځی قبیلهسی نینگ نفوذلی آدملری بیلن اوچرهشدی.
بو اوچرهشووده ځاځی قبیلهسی نینگ آقسقاللری بو قبیله نینگ تورلی ولایتلرده بارلیگی حقیده معلومات بیریب، دیورند چیزیغی یقینیدهگی دهقانچیلیک ییرلری، اوی-جایلر، دوکانلر بیلن باغلیق معمالرنی حل قیلیشنی طلب قیلدیلر.
جرگه و قبیله ایشلری بوییچه معینی مولوی محمد علی جان احمد اولر نینگ ۲۰ ییللیک جهاددهگی جسارتی و فداییلیکلرینی قدرلب، اولرنی اسلام تیزیمینی قوللب-قوّتلشده بیرلشتیرگن.
او بیرلیک و بیرلیککه علیحده اورغو بیریب، شوندهی دیدی: «یورتده همجهتلیک، بیردملیک دوری کیلدی، ملتلر اوز یورتی نینگ رونقی و ترقیات یولیده همجهتلیکده حرکت قیلیشلری کیرهک. و اولر نینگ معمالرینی حل قیلیشگه ایشانتیردیلر.