کابل ۷ حوت باختر
صنعت و تجارت وزیرلیگی نینگ سرپرست وزیری، امی اوغلو گروپ شرکتی باشلیغی بیلن اوچرهشوویده مرمر قازیب آلیش ساحهسیده تخنیکی معمالرنی حل قیلیش اوچون همکارلیک قیلیشلرینی ایتدی.
صنعت و تجارت وزیرلیگی مطبوعات خدمتی بوگون صنعت و تجارت وزیرلیگی نینگ سرپرست وزیری الحاج نورالدین عزیزی امی اوغلو گروپ باشلیغی رجب مصطفی امی اوغلو بیلن اوچرهشگنینی معلوم قیلدی.
مصطفی اوغلو بو اوچرهشووده افغانستان اسلام امیرلیگی تامانیدن ماس سرمایه محیطی یرهتگنلیگی اوچون منّتدارچیلیک بیلدیردی و شوندهی دیدی: امی اوغلو گروهی افغانستان مرمری نینگ جهانی بازارلرینی تاپیشگه حرکت قیلماقده و بیر قنچه مملکتلرگه افغانستان مرمریدن نمونهلر یوباردی، اونگه ماس بازارنی تاپیش اوچون حرکت قیلگنلرینی تأکیدلهدی.
او، شونینگدیک، افغانستانگه کوپراق سرمایه کیریتیشنی ریجهلشتیرهیاتگنلیکلرینی ایتیب، باشقه خارجی سرمایهدارلردن هم اوشبو مملکتگه سرمایه کیریتیشنی سوردی.
صنعت و تجارت وزیرلیگی نینگ سرپرست وزیری افغانستاندهگی سرمایهوی امکانیتلر حقیده گپیریب، اوشبو شرکت نینگ مملکتگه سرمایه کیریتیشگه بولگن قیزیقیشینی یوقاری بهالهدی.
شونینگدیک، عزیزی مرمر قازیب آلیش ساحهسیدهگی تخنیکی معمالرنی حل قیلیش مقصدیده اوشبو شرکتنی مملکت مرمر اتفاقیگه جاری ایتیشگه وعده بیردی.