کابل، ۱۱ جدی، باختر
صنعت و تجارت وزیرلیگی نینگ سرپرست وزیری قالین ایشلب چیقرووچیلر و صادر قیلووچیلر اویوشمهسی مدیره هئیتی کینگشی بیلن ییغیلیش اوتکزدی و خلقارا ستندردلر بیلن جهازلنگن «قالینچیلیک مرکزی»نی تشکیل ایتیش ریجهسینی بحث قیلدی.
صنعت و تجارت وزیرلیگی مطبوعات خدمتی بوگون اوشبو خبرنی اعلان قیلدی و شوندهی دیدی: “ایشلب چیقرووچیلر و صادر قیلووچیلر اویوشمهسی مدیره هیئتی کینگشی ییغیلیشیده اولر صنعت و تجارت وزیرلیگی نینگ سرپرست وزیری نورالدین عزیزيگه معلومات بیریشدی. اوشبو اتفاق نینگ ییغیلیشی دوامیده عملگه آشیریلگن ایشلر بوییچه و قیینچیلیکلر بوییچه هم بحث بولدی.
اوشبو ییغیلیشده افغانستانده قالینچیلیک مرکزینی تشکیل ایتیش بحث قیلیندی و بو بارهده تقدیم ایتیلگن ریجهگه بها بیریلدی.
نورالدین عزیزی اوشبو مرکزنی ستندردگه ایلنتیریش ضرورلیگینی تأکیدلب، افغانستان قالین ایشلب چیقرووچیلر و صادر قیلووچیلر اویوشمهسی فعالیتینی تکامللشتیریش و همده معمالرنی حل قیلیش اوچون اونینگ اجرائیه کینگشی رئیسیگه معلوماتلر دیتابیسی و ویب-سایتده کوپراق امکانیتلر یرهتیشنی تاپشیردی.