کابل ۶ جوزا باختر
کان و پترولیم وزیرلیگی نینگ سرپرست وزیری برادران نظری رحیمی تیمیرنی قَیته ایشلش شرکتی گروهی متصدیلری بیلن اوچرهشوویده شوندهی دیدی: منرال ریسورسلرگه سرمایه کیریتیش اوچون ضرور امکانیتلرگه ایگه محلی شرکتلرگه اوستوار اهمیت بیریلهدی.
کان و پترولیم وزیرلیگی مطبوعات خدمتی بوگون کان و پترولیم وزیرلیگی نینگ سرپرست وزیری شیخ الحدیث شهابالدین دلاور نینگ برادران نظری رحیمی شرکتی گروهی، جملهدن میهن ستیل، ملت ستیل، میوند ستیل، و افغان فولاد کبی شرکتلر مسووللری بیلن اوز دفتریده اوچرهشگنینی معلوم قیلدی.
تیمیرنی قیدیریش، قازیب آلیش و قَیته ایشلش بیلن شغللنووچی “نظری رحیمی” شرکت گروهی افغانستانده ییریک تیمیرنی قَیته ایشلش زواد(فابریکه)یگه ایگه بولیب، افغانستان نینگ تیمیر کانلریگه ۱۰۰ و یا ۲۰۰ میلیون دالرگچه سرمایه کیریتیش ایستهگینی بیلدیردی مملکتیمیزده تیمیر کانلرینی قیدیریش، قازیب آلیش و یکونی قَیته ایشلشده ۵۰۰۰ کیشینی ایش بیلن تأمینلیدی.
کان و پترولیم وزیرلیگی نینگ سرپرست وزیری یوقاریدهگی شرکتلر نینگ مملکت تیمیر کانلریگه سرمایه کیریتیشگه قیزیقیشینی آلقیشلر ایکن، قوشیمچه قیلدی: منرال ریسورسلرگه سرمایه کیریتیش اوچون ضرور امکانیتلرگه ایگه بولگن محلی شرکتلرگه اوستوار اهمیت بیریلهدی، کان و پترولیم وزیرلیگی هم تیمیر کانلریگه سرمایهدارلرنی ایشلرینی آسانلشتیریش و تأمینلش ساحهسی جدّی همکارلیککه تیار ایکنینی تأکیدلهدی.