کابل ۵ جوزا باختر
مالیزیا نینگ کوالالمپور شهریدهگی افغانستان ایلچیخانهسی نینگ سرپرست ایلچیسی مالیزیا مدافعه وزیرلیگی نینگ ریجهلشتیریش و سیاست بوییچه باشقرمهسی اورینباسری بیلن اوچرهشگنینی معلوم قیلدی.
ایلچیخانه اوز خبرنامهسیده یازیلیشیچه، مالیزیا نینگ کوالالمپور شههریدهگی افغانستان ایلچیخانهسی نینگ سرپرست ایلچیسی نقیب الله احمد اوز ادارهسیده مالیزیا مدافعه وزیرلیگی نینگ ریجهلشتیریش و سیاست باشقرمهسی اورینباسری محمد یهنی بیلن اوچرهشگن.
بو اوچرهشووده محمد یانی نینگ یقینده افغانستانگه قیلگن سفری موضوعلری و نتیجهلری بحث قیلیندی.
مالیزیا مدافعه وزیرلیگی نینگ ریجهلشتیریش و سیاست باشقرمهسی اورینباسری محمد یانی افغانستان حقیده عامهوی اخبارات واسطهلری آرقهلی ایشیتگنلری افغانستانده کورگنلریدن توبدن فرق قیلیشینی، افغانستانده سونگگی اوچ ییلده کوپ ایشلر قیلینگنینی ایتدی.
اونگه کوره؛ عموماً آلگنده، مالیزیا نینگ افغانستانگه قرهشی یخشیلندی و مالیزیا کابل بیلن مناسبتلرینی ینهده یخشیلشدن علاقهدار.
مالیزیا مدافعه وزیرلیگی نینگ ریجهلشتیریش و سیاست باشقرمهسی اورینباسری، شونینگدیک، مالیزیا نینگ افغانستان اسلام امیرلیگی بیلن بیرگن برچه وعدهلری نینگ عملگه آشیشینی قوشیمچه قیلدی.