کابل ۶ جوزا باختر
عامه منفعتلر وزیرلیگی کابل-قندهار قتناو شاه یولی نینگ قالگن قِسملرینی اساسی ترمیملش و قیتهدن تیکلش ایشلری باشلنگنینی معلوم قیلدی.
بو حقده عامه منفعتلر ایشلری وزیرلیگی مطبوعات خدمتی خبر بیردی:
عامه منفعتلر وزیرلیگی نینگ سرپرست وزیری ملا محمد عیسی ثانی ميدان وردک ولایتیگه سفری چاغیده ولایتدهگی کابل-قندهار قتناو شاه یولی نینگ تورت بولیم ایشلر نینگ باریشی بیلن تنیشدی.
اونینگ بیرینچی قِسمی کمپنی کوپریگیدن ارغندی حدودیگچه، ایکّینچی قِسمی دُررانی بازاریدن زرنی موضیعسیگچه، اوچینچی قِسمی زرنی موضیعسیدن سیدآباد تومنی مرکزیگچه و تورتینچی قِسمی سیدآباد تومنیدن قلعه عزیز حدودیگچه دوام ایتهدی. بو ولایتده ایسه بیر نیچه کون آلدین قیتهدن تیکلش ایشلری باشلنگن و اونینگ مالی خرجتلری عامه منفعتلر وزیرلیگی بودجهسیدن تولهنهدی.
مذکور سفرده عامه منفعتلر وزیرلیگی قراردادی تشکیلاتلر متصدیلری و مذکور لایحهلر بوییچه مسوول گروهلرگه مذکور قتناو یولی نینگ قید ایتیلگن قِسملرینی ترمیملش و قیتهدن تیکلش ایشلرینی صفتلی و اوز وقتیده یکونلش بوییچه تاپشیریقلر بیردی.
تأکیدلش کیرهککی، اوتگن ییلی اوشبو وزیرلیک تامانیدن مذکور قتناو یولی ییتّی بولیم آرقهلی ترمیملش ایشلری باشلب یوباریلگن بولسه، ایشنی تیز یکونلش و صفتلی یولگه قوییش مقصدیده ایندیلیکده باشقه بولیملرگه بولینگن.
کابل-قندهار قتناو شاه یولی مملکتیمیز نینگ مهم اقتصادی یوللریدن بیری بولیب، قوشنی دولتلر بیلن سودا تاوهرلری و ایکینچیلیک محصولاتلرینی اوتکزیشده مهم و اساسی اورین توتهدی و اونینگ توگللنیشی بیلن ترانسپورت قولیلیکلرینی تأمینلیدی.