سرپل، ۱۸ جدی، باختر
سرپل محلی مأموریتی ۸۸ میلیون افغانی درآمد آلگن.
اوتگن سکّیز آیده بو درآمد سالیق و سالیقدن تشقری منبعلردن آلینگن.
سرپل حاکمی الحاج محمد یعقوب عبدالرحمان اکه متصدیلر بیلن اوچره‌شوویده برچه درآمد منبعلرینی منتظم ییغیب باریشگه علیحده توخته‌لیب، بو باره‌ده‌گی ایشلر اوچون متصدیلرگه منّتدارچیلیک بیلدیردی.
درآمد ییغیش اوچون بیلگیلنگن مقصدگه توخته‌لیب اوتگن آبه، درآمد ییغه آلمه‌گنلرگه نسبتاً قانونی چاره‌لر کوریلیشینی ایتدی.
بو ییغیلیشده سرپل مستوفی سی اَیریم بولیملرده درآمدلر آرتگنی حقیده معروضه قیلدی.
اونینگ مسلکی معلوماتلریگه کوره، سونگگی سکّیز آی ایچیده سرپل محلی مأموریتی سالیق و درآمد اداره‌لری آرقه‌لی بیر یوز و سکسان سکّیز میلیون افغاننی ییغدی.
بو کورسه‌تکیچ «سرپل مستوفیتی» باشقرمه سی درآمدلری نینگ ایلّیک فایزدن آشگنینی کورسه‌ته‌دی. اوتگن ییلی بو بولیم توقسان سکّیز میلیون افغانی ییغگن ایدی.
