کابل، ۵ جدی، باختر
ساغلیقنی سقلش وزیرلیگی نینگ سرپرست وزیری داکتر قلندر عباد مالیزیا نینگ سابق باش وزیری مهاتیر محمد بیلن اوچره‌شدی.
اوشبو وزیرلیک مطبوعات خدمتی اخبارات نامه سیده یازیشیچه، اوشبو اوچره‌شووده داکتر قلندر عباد مهاتیر محمد بیلن ساغلیقنی سقلش ساحه‌سیده تجربه المشیش حقیده گپلشگن.
افغانستان نینگ مالیزياده‌گی ایلچیخانه‌سی نینگ ایلچیسی نقیب الله احمدی هم اشتراک ایتگن اوشبو اوچره‌شووده ایکّی دولت اورته‌سیده‌گی مشترک تامانلر، اوشه دولت نینگ افغانستاندن کیلگن خلقلری نینگ تجارت و سیاحت و توریزم ساحه‌سیده‌گی ایکّی تامانله‌مه علاقه‌لرینی کینگه‌یتیریش مسأله‌لری بحث قیلیندی.
ایسله‌تیب اوتمیز، افغانستان ساغلیقنی سقلش وزیرلیگی نینگ سرپرست وزیری بیر نیچه کون اوّل مالیزيا نینگ بیر قطار رسميلری، ساغلیقنی سقلش مؤسسه‌لری، اَیریم مملکتلر وکیللری بیلن اوچره‌شیش و مملکت ساغلیقنی سقلش ساحه‌سیده خلق‌ارا همکارلیکنی جلب قیلیش مقصدیده، یوقوملی کسللیکلرگه قرشی کوره‌ش و مملکت ساغلیقنی سقلش و طبی خدمتلرنی ستندردلشتیریش، مالیزياگه سفر قیلدی.
بوندن آلدین او مالیزيا نینگ افغانستان بوییچه مخصوص وکیلی داتو احمد اعظم بیلن هم اوچره‌شگن ایدی.
