کابل ۴ حمل باختر
روسيه نینگ مسکو یقینیده‌گی کنسرت زلیده صادر ایتیلگن قوراللی هجوم عاقبتیده کوپلب انسانلر هلاک بولیب و یره‌لندی.
«تاس» آژانسیگه نینگ خبر بیریشیچه، روسيه خوفسیزلیک خدمتی وکیللری «کروکاس» کنسرت زلیگه قوراللی هجوم عاقبتیده بیر قنچه تماشا‌بینلر هلاک بولگن. حاضرگچه اوشبو ترورچیلیک حادثه‌سیده ۴۰ کیشی هلاک بولگن، بیراق خوفسیزلیک خادملری نینگ ایتیشیچه عاقبتده اونلب آدملر جراحتلنگن.
اجتماعی ترماغلر و ییتکیرمه اعلان قیلینگن صوره‌تلرده بنا یانغین و توتون ایچیده قالگنی، حربی کییم کيگن کمیده ۴ کیشی تماشا‌بینلرگه قره‌ته تینیمسیز اوق اورگنینی کوریش ممکن.
مسکو پولیس‌سی اوشبو هجومده گمانلنووچیلردن بیرینی قولگه آلیشگه موفق بولدی و حاضرچه اونینگ کیمیلیگی آشکار قیلمه‌دی.
روسيه حکومتی بو واقعه ترورچیلیک دیب بهاله‌دی، کرملین مطبوعات کاتبی دیمیتری پسکوف ایسه بو هجومده روسيه جمهور رئیسی ولادیمیر پوتین نینگ اشتراکی بارلیگینی و بو هجوم اوچون جوابگرلیکنی داعش اوز ذمّه‌سیگه آلگنینی ایتدی.
ایسله‌تیب اوتمیز، اوشبو زلده «پیک‌نیک» دیب ناملنگن گروه کنسرتی بولیب اوتگن و ۶۲۰۰ ته چیپته (تکت) ساتیلگن.
دنیا نینگ کوپلب دولتلری، جمله‌دن، آمریکا دولت اداره‌سی بو قانلی هجومنی قاره‌له‌دی.
روسيه بو حادثه‌گه چیت ایل حرکتلری نینگ علاقه‌سی بار دیب حسابله‌یدی و جنایتچیلردن اوچ آلیشینی تأکیدله‌ماقده.
