کابل، ۹ جدی، باختر
افغانستان ژورنالیستلری مرکزی جاری ییلده مملکتده ژورنالیستلر حقوقلری بوزیلگن ۱۶۸ ته حالت قید ایتیلگنینی ادعا قیلگنیدن سونگ، اسلام امیرلیگی مطبوعات کاتبی ذبیح الله مجاهد بو ارگان نینگ دعواسینی رد ایتدی.
افغانستان ملی تیلی کانالیگه بیرگن اینترویوسیده ذبیح الله مجاهد شونده‌ی دیدی: «البته، بیز بو نهاد نینگ دعوالرینی تصدیقله‌مه‌یمیز، بیراق اوتگن ییلی صادر بولگن قطار حالتلرگه کوره، بعضیده قانون‌بوزرلیکلر بولگن، بعضاً ایسه ژورنالیستلر باشقه جنایتلرگه اره‌لشگن. “ژورنالیستلر حقوقی و حتا جنایی ایشلر بوییچه حبسگه آلینگن”.
مجاهد نینگ قوشیمچه قیلیشیچه، بو حبسگه آلیش و حبسگه آلیشلر اوزاق دوام ایتمه‌گنی و قیسقه مدتگه بولگن، ژورنالیستلرگه حکومت تامانیدن عموماً ضرر ییتمه‌گن.
او حکومت نینگ عاموی اخبارات واسطه‌لریگه باسیمینی رد ایتدی و هیچ قنده‌ی آواگه (مدیاگه) باسیم اوتکزیلمه‌گنینی ایتدی، «برچه آوالر و آنلاین آوالر ایرکین فعالیت یوریته‌یاتگنی، بحث قیلینه‌یاتگنی، تحلیل قیلینه‌یاتگنی و حساباتلر چاپ ایتیله‌یاتگنینی کوریش ممکن. اکثریت مملکتلرده بونده‌ی ایمس و بو یخشی حالت.
اسلام امیرلیگی مطبوعات کاتبی، شونینگدیک، «جوده جدّی قانون‌بوزرلیکلرگه یول قویگن، قَیسی تماندن بویروق آلگن، ملی منفعتلریمیزگه ضد فعالیت آلیب بارگن بیر قطار عاموی اخبارات واسطه‌لری نینگ جزاگه تارتیلیشی طبيعی»، دیب تأکیدله‌دی.
اونگه کوره؛ رادیولردن بیری حلی هم بلاکلنگن، چونکه اولر قانون بوزرلیک قیلگن ایشیتتیریشلرنی تشقی حلقه‌لر نینگ خواهشیگه کوره قیلیشنی خواهلشدی.
افغانستان ژورنالیستلری مرکزی اوزی نینگ سونگگی ییللیک حساباتیده جاری ییلده ژورنالیستلر حقوقلری نینگ بوزیلیشی بیلن باغلیق ۱۶۸ ته حالت قید ایتیلگنینی دعوا قیلگن. ۶۰ دن آرتیق ژورنالیست حبسگه آلینگن و اسلام امیرلیگی تامانیدن عاموی اخبارات واسطه‌لرینی چیکلش بوییچه کورسه‌تمه‌لر بیریلگن. اسلام امیرلیگی مطبوعات کاتبی بو دعوانی رد ایتدی.
