کابل ۱۵ حمل باختر
بیرلشگن ملتلر تشکیلاتی خوفسیزلیک کینگشی نینگ فوق العاده ییغیلیشی روسيه نینگ تکلیفیگه بناءً توناون تانگده اسرائیل نینگ دمشقده‌گی ایران قنسوللیگیگه اویوشتیرگن هجومینی تیکشیریش اوچون ییغیلیش بولیب اوتدی.
روسيه نینگ اوشبو ییغیلیشده‌گی وکیلی واسیلی نبنزیا اسرائیل نینگ حرکتینی کیسکین قاره‌له‌دی و شونده‌ی دیدی: بو اسرائیل نینگ سوريه‌ده تینچ اهالیگه هجوم قیلگن بیرینچی حرکتی ایمس و بو کوپ مرته تکرارلنگن و ۱۹۶۳ ییلگی کنوانسیونگه کوره، ایلچیخانه لر نینگ دیپلوماتیک دخلسیزلیگی و خادملری حرمت قیلینیشی کیره‌ک.
چین وکیلی هم اسرائيل نینگ هجومینی سوريه نینگ حدودی یخلیتلیگینی بوزیش دیب بهاله‌دی و اونی کیسکین قاره‌له‌دی و ایران خلقیگه همدردلیک بیلدیریب، قوشیمچه قیلدی: دیپلوماتیک جایلرگه قرشی بونده‌ی حرکتلرگه یول قوییلمسلیگی کیره‌ک دیدی.
بیر قطار باشقه دولتلر وکیللری هم بو حرکتنی قاره‌لب، بونده‌ی حرکتلر منطقه‌ده‌گی کیسکینلیک درجه‌سینی آشیریشیدن آگاهلنتیرگن.
تل ابیب نینگ اتفاقچیسی آمریکا هم اسرائیل نینگ بونده‌ی حرکتیدن خواطر بیلدیردی و بو دولت نینگ بیرلشگن ملتلر تشکیلاتیده‌گی وکیلی: آمریکا نینگ بو هجومده هیچ قنده‌ی رولی یوق و دیپلوماتیک مرکزلرگه قیلینگن هجومدن خواطر بیلدیردی.
جزایر وکیلی نینگ ایتیشیچه، اسرائیل بونده‌ی ناقوله‌ی مناسبت عاقبتلرینی کوتیشی کیره‌ک دیب تأکیدله‌دی.
بیراق بريتانيا وکیلی ایراننی منطقه‌ده‌گی بیقرارلیک سببچیسی دیب حسابله‌دی و بو دولتدن قرشیلیک گروهلرینی قوللب-قوّتلشنی توخته‌تیشنی سوردی.
ایران وکیلی اسرائیل نینگ اوز مملکتی نینگ دمشقده‌گی قنسوللیگیگه هجومینی ترورچیلیک حرکتی و سوريه ملی برقرارلیگینی بوزیش دیب بهاله‌دی و قوشیمچه قیلدی: ایران بیرلشگن ملتلر تشکیلاتی نظامیگه موافق اسرائیل هجومیگه قطعی جواب بیریش حقوقینی اوزیده سه‌قلب قاله‌دی. او آمریکانی اسرائیل نینگ سیاسی، حربی و اقتصادی یاردمچیسی دیب حسابله‌گن.
اَیریم حاللرده ییغیلیشده وکیللر اورته‌سیده آغزه‌کی ترنگلیک یوزه‌گه کیلگن، جمله‌دن، روسيه وکیلی آمریکا و فرانسه نینگ اسرائیل هجومیگه بیفرقلیگی حقیده‌گی قرارینی کیسکین ناراضیلیک بیلدیرگن.
خوفسیزلیک کینگشیگه اعضا کوپلب دولتلر وکیللری اسرائیل نینگ سوريه‌ده‌گی ایران قنسوللیگی بناسیگه اویوشتیرگن هجومینی قاره‌له‌گن بولسه-ده، بو ییغیلیشده انیق نتیجه بولمه‌دی.
