کابل، ۱۱ جدی، باختر
ینگی ییل نینگ بیرینچی کیچه‌سیده اسرائیل غزه گه هجوملرینی بوتون شدّت بیلن دوام ایتتیرر ایکن، حماس هم اسرائیل نینگ مرکزی تل-ابیبونی راکت بیلن نشانگه آلدی.
حماس نینگ راکت هجوملری تل ابیب اهالیسینی حیرتده قالدیردی.
اسرائیل اخبارات منبعلری نینگ خبر بیریشیچه، ۲۰۲۴ ییل نینگ بیرینچی ساعتلریده حماس اسرائیلگه کمیده ۲۰ ته راکت اوچیردی، تل ابیب بو راکت‌لر نینگ نشانی بولدی و تل ابیب و مرکزی و حدودلرده یوقاری خوفلی آگاهلنتیریش بولگن قیزیل سِرینا ینگره‌دی.
باسقینچی ریجیم رسميلری، بو راکت‌لر نینگ کتّه قِسمی تیمیر گنبذ تیزیمی تامانیدن یوق قیلینگنینی و قربانلر یوقلیگینی بیلدیردی.
اسرائیل ریجیمی نینگ دعوا قیلیشیچه، “حماس نینگ اسرائیل شهرلریگه راکت اوچیریش قابلیبی سیزیلرلی درجه‌ده په‌سه‌یگن”، بوندن تشقری تل ابیب و اسرائیل نینگ باشقه حدودلریده کیچه‌گی واقعه‌لر غزه اوروشیده‌گی حقیقی وضعیتنی افاده‌له‌یدی و اسرائیل حلی هم ضعیف ایکنلیگینی کورسه‌ته‌دی.
عینِ پیتده اسرائیلده نتانیاهو نینگ استعفاسی اوچون عاموی ناراضیلیک نمایشلری بولیب اوتماقده و اسرائیل ریجیمی نینگ مخالفلری حماسنی یوق قیلیش عملیاتی تینچ اهالی اوچون هلاکتلی عاقبتلرگه قره‌مه‌ی موفقیتسیزلیککه اوچره‌گنینی ایتیشماقده.
عینِ پیتده، وه‌شینگتن پُست گزیته‌سی غزا اوروشی نینگ اسرائیل اوچون اقتصادی عاقبتلری حقیده بیرگن خبریده، غزه اوروشی اسرائیلگه کونیگه ۲۲۰، میلیون دالر ضرر کیلتیرگنینی و بو دولت نینگ غزه اوروشیگه حاضرگچه ۱۸ میلیارد دالردن آرتیق مبلغ صرفله‌گنینی تخمین قیلدی.
