کابل، ۱۶ قوس، باختر
ایلگری کونگیللیگه ایشانیب تاپشیریلگن جگدلک یاقوت کانی نینگ داوطلبلیک جریانی بولیب اوتدی. بو حقده کان و پترولیم وزیرلیگی مطبوعات خدمتی بوگون معلوم قیلدی.
شو مناسبت بیلن تشکیل ایتیلگن ییغیلیشده کان و پترولیم وزیرلیگی نینگ سرپرست وزیری شیخ شهاب الدین دلاور مذکور کان نینگ قوّتی و میدانی همده اونی قیدیریش، قازیب آلیش و قَیته ایشلش جریانی حقیده گپیردی.
وزیرلیک سرپرستی پنجشیر زمرد کانلری حقیده هم معلومات بیریب، شونده‌ی دیدی: اوشه ولایتده ۱۵۰۰ گه یقین کان تشکیل ایتیلگن، ۴۰۰ تُن‌گه قازیب آلیشگه رخصت‌نامه‌لر ترقه‌تیلگن، ۱۰ مینگگه یقین کیشی کانلرده بی واسطه شغللنه‌دی. شونینگدیک، ییتّیته اعلانلرده ۲ میلیون آمریکا دالریگه تینگ ۲۰ مینگ قیراط زمرد ساتووی حقیده گپیریب، قوشیمچه قیلدی: بیز زمردلرنی ساتیش بوییچه آنلاین اعلان جریانینی ایچکی سوداگرلر بیلن بیر قطارده خارجی سوداگرلر هم اشتراک ایتیشی اوچون تشکیل ایتیشگه حرکت قیلماقده‌میز.
