کابل ۹ حمل باختر
شیخ الحديث شهابالدین دلاور، کان و پترولیم وزیرلیگی نینگ سرپرست وزیری، تاپی لایحهسی باشلیغی و تورکمنستان نینگ کابلدهگی ایلچیسی بیلن اوچرهشوویده گاز قووورینی (لولههای نل) اوتکزیش افغانستان اطراف-محیط ملی ادارهسی بیلن کیلیشیلگن حالده عملگه آشیریلیشی کیرهکلیگینی ایتدی. اطراف-محیطگه ضرر ییتکزیلمسلیگی اوچون، ضرور چاره و تدبیرلر کوریشلرینی تأکیدلهدی.
کان و پترولیم وزیرلیگی مطبوعات خدمتی بوگون اوشبو خبرنی اعلان قیلدی: اوشبو وزیرلیک نینگ وزیری بو اوچرهشوویده تاپی لایحهسی باشلیغی و تورکمنستان نینگ کابلدهگی ایلچیسی بیلن تاپی لایحهسی نینگ باریشی و باشقه مهم و اساسی مسألهلرنی بحث قیلدی.
تاپی لایحهسی باشلیغی شوندهی دیدی: «تاپی لایحهسی نینگ اکثریت ایشلری یکونلندی و افغانستان ایچکی ایشلر وزیرلیگی بیلن اوتکزگن اوچرهشوولریمیز بیلن بو لایحه نینگ خوفسیزلیک ریجهسی ینه بیر هفته ایچیده یکونلنهدی».
او تیگیشلی شرکت نینگ لایحهنی آچیشگه تیارگرلیگی حقیده معلومات بیردی و تورکمنستاندن چیگرهگه گاز قووورلرینی اوتکزیش بوییچه ایشلر آلیب باریلهیاتگنینی و لایحه نینگ عملی ایشلری نینگ آچیلیش مراسمیگه هم ضرور تیارگرلیک کوریلهیاتگنینی قوشیمچه قیلدی. بیز نینگ تخنیکی گروهلریمیز بو بارهده حاضر اولر گپلشماقده و موافقلشماقده و بیز اوچ-تورت هفته ایچیده لایحه نینگ آچیلیشیگه تیارگرلیک کورهمیز.
کان و پترولیم وزیرلیگی نینگ سرپرست وزیری وزیری شیخ الحدیث شهابالدین دلاور تاپی لایحهسی نینگ باریشی و یکونلنگنیدن خورسندلیگینی بیلدیردی و شوندهی دیدی: قالگن ایشلرنی تیز آرهده توگهتیشگه حرکت قیلهمیز و بو مهم و اساسی لایحه امکان قدَر تیزراق آچیلیب، و اونینگ عملی ایشلری باشلنهدی. شونینگدیک، او تورکمنستاندن افغانستان چیگرهسیگه گاز قووورلری نینگ اوتکزیلیشینی آلقیشلهدی و قووورلر نینگ چیگرهگه اوتکزیلیشینی افغانستاندهگی لایحه نینگ عملی باشلنیشی اوچون یخشی ینگیلیک دیب حسابلهدی.
قوییده کان و پترولیم وزیرلیگی نینگ سرپرست وزیری تاپی یونهلیشی بولیب ییر آلیش و گاز قوووری یونهلیشی نینگ اطراف-محیطینی حسابگه آلگن حالده شرکت باشلیغی بیلن اوز فکر-ملاحظهلرینی بیلدیردی و شوندهی دیدی: گاز قووورینی اوتکزیش ضرور. افغانستان اطراف-محیط ملی ادارهسی بیلن کیلیشیلگن حالده و اطراف-محیطگه ضرر ییتکزیلمسلیگی و برچه اطراف-محیط مسألهلری کوریب چیقیلیشی کیرهک دیب تأکیدلهدی.
تاپی لایحهسی باشلیغی اطراف-محیط مسألهسینی هم مهم دیب حسابلهدی و قوشیمچه قیلدی: اطراف-محیط مسألهسینی کوریب چیقیشیمیزدن تشقری، اهالیگه ایچیملیک سووی قودوقلری قازیش کبی اجتماعی خدمتلر و باشقه خدمتلر هم ضرور و بیز تاپی قوووری یولیده جایلشگن قیشلاقلرنی تأمینلهیمیز دیدی.
یقینده تورکمنستان ایلچیسی افغان هیئتی نینگ تورکمنستانگه یقینده بولگن تشریفی حقیده هم شوندهی دیدی: اوشبو سفر دوامیده تورکمنستانده افغانستان محصولاتلری کورگزمهسی بولیب اوتدی، اونده افغان منرال محصولاتلری، جملهدن، مرمر هم نمایش ایتیلدی و هیئت تورکمنستان هرات ولایتیگه باریب، مرمر ساتیب آلیش اوچون هرات مرمر سوداگرلری بیلن اوچرهشیب، صحبتلشدی.