کابل، ۱۸ دلو، باختر
باش وزیرلیک اداره سی نینگ سیاسی اورینباسری مولوی عبدالکبیر بیرلشگن ملتلر تشکیلاتی نینگ افغانستان بوییچه مخصوص موافقلشتیرووچیسی بیلن اوچرهشوویده شوندهی دیدی: اسلام امیرلیگی بیرلشگن ملتلر تشکیلاتی تامانیدن افغانستان بوییچه باشقه وکیل سهیلنیشیگه راضی ایمس.
باش وزیرلیک اداره سی نینگ سیاسی اورینباسرلیک مطبوعات خدمتی اخبارات نامه سیده شوندهی دیب یازدی: اوشبو اوچرهشووده بیرلشگن ملتلر تشکیلاتی نینگ افغانستان بوییچه مخصوص کوردیناتوری فریدون سینیرلی اوغلو افغانستاندهگی ایشی دوامیده اسلام امیرلیگی نینگ همکارلیگی اوچون منّتدارچیلیک بیلدیردی. افغانستان و دنیا اورتهسیدهگی مناسبتلرنی یخشیلشگه حرکت قیلهیاتگنینی ایتدی.
اوغلی افغانستان اسلام امیرلیگی نینگ کابلده منطقوی ییغیلیش اوتکزیشیگه توختهلیب، بو تشبثنی یوقاری بهالهگن حالده، بوندهی اوچرهشوولر افغانستان اوچون جوده مهم ایکنینی و خلقارا هم جمعيت، جملهدن، آمریکا و اروپا دولتلری بیلن علاقهلر اورنهتیشدن منفعتدار ایکنینی قوشیمچه قیلدی. اونینگ قوشیمچه قیلیشیچه افغانستان اسلام امیرلیگی بیلن همکارلیک قیلیشیگه ایشانتیردی.
او افغانستان نینگ اقتصادی و اجتماعی ترقیاتینی یوقاری بهالهدی و قوشیمچه قیلدی: افغانستانده ملی خوفسیزلیک تأمینلنگن بولسه-ده، اقتصادی مستحکملش و برقرارلیک بارهسیده کوپراق ایش قیلیش کیرهک دیدی.
اونگه کوره؛ بولهجک دوحه اوچرهشوویده افغانستان بوییچه یخشی قرارلر قبول قیلینهدی و بو کنفرانسدن سونگ افغانستان نینگ دنیا بیلن علاقهلریده ایجابی اوزگریشلر بولهدی.
فریدون سینیرلی اوغلو هم «اسلام امیرلیگی عمل قیلیشی کیرهک بولگن بعضی خلقارا قانونلر و کنوانسيونلر بار» دیدی. «افغانستان منطقه و دنیا اوچون مهم، چونکه افغانستان خوفسیزلیگی منطقه خوفسیزلیگی و برقرارلیگینی انگلهتهدی».
بیرلشگن ملتلر تشکیلاتی نینگ افغانستان بوییچه مخصوص کوردیناتوری، شونینگدیک، جهان بانکی یقین کیلهجکده افغانستان بوییچه ییغیلیش اوتکزیشینی، اونده افغانستانده بانک فعالیتی نینگ اوسیشی، چیکلاولرنی توگهتیش و یریم تیار ایشلر نینگ قَیته تیکلنیشی حقیده بحث و فکر المشیشینی بیلدیردی. جهان بانکی نینگ افغانستاندهگی لایحهلری کیلگوسی ییللرده نهایت یخشیلنیشیگه ایشانچ بیلدیردی.
باش وزیرلیک اداره سی نینگ سیاسی اورینباسری مولوی عبدالکبیر بیرلشگن ملتلر تشکیلاتی نینگ افغانستان بوییچه مخصوص کوردیناتوریگه منّتدارچیلیک بیلدیرر ایکن، اسلام امیرلیگی اونینگ حساباتی نینگ اکثریت قِسمینی معقوللشینی، بیراق اونینگ باشقه حساباتنی تنلشگه چقیرووچی قِسمیگه راضی ایمسلیگینی ایتدی.
اونینگ قوشیمچه قیلیشیچه، بیرلشگن ملتلر تشکیلاتی نینگ افغانستاندهگی سیاسی دفتری (یوناما) موجود بولگنلیگی سببلی اولر تینچلیک اوچون ینگی وکیل تنلش ضرورلیگینی کورمهیدیلر دیدی.
اونگه کوره؛ اسلام امیرلیگی هم دنیا بیلن یخشی علاقهده بولیشنی ایستهیدی و دوحهده بولیب اوتهدیگن ییغیلیشده اسلام امیرلیگی وکیللری نینگ اشتراکی بوییچه هم بحثلرنی باشلب یوباردی.
باش وزیرلیک اداره سی نینگ سیاسی اورینباسری، شونینگدیک، جهان بانکی نینگ افغانستاندهگی یریم تیار لایحهلری باشلنیشینی آلقیشلشلرینی همده بولهجک دوحه اوچرهشوویده افغانستاننی قَیته تیکلش یولیده ثمرهلی قدملر قوییلیشیگه امید قیلیشلرینی بیلدیردی.