کابل ۱۶ حمل باختر
جیش العدل نینگ سیستان و بلوچستانده‌گی حربی مرکزلرگه قیلگن قوراللی هجوملری نتیجه‌سیده ۱۳ کیشی هلاک بولگن.
ییتکیرمه خبرلریگه کوره؛ توناون توندن بیری ایران نینگ چابهار و راسک شهرلریده جیش العدل گروهیگه علاقه‌دار بولگن هجومچیلر و ایران خوفسیزلیک کوچلری اورته‌سیده‌گی قوراللی توقنه‌شووده کمیده ۵ کیشی خوفسیزلیک خادیمی و ۸ کیشی هجومچی هلاک بولگن.
ایران حکومتی رسميلری «جیش العدل» گروهی ایران نینگ سیستان و بلوچستان نینگ راسک، چابهار و سرباز شهرلریده‌گی حربی بازه‌لریگه (مقرلریگه) کینگ کولملی و موافقلشتیریلگن هجوملر اویوشتیرگنینی تصدیقله‌دی. اوشبو دولت مطبوعاتی خبرلریگه کوره، ۵ کیشی خوفسیزلیک کوچلری و ۸ کیشی هجومچی اولدیریلگن، چابهار و راسک شهرلریده اوشبو گروهدن آلتی کیشیگه یقین خوفسیزلیک کوچلری تامانیدن تولیق قورشه‌ب آلینگن.
ایران مطبوعاتی “سیستان و بلوچستان جنوبیده‌گی چابهارده هلاک بولگنلر آره‌سیده بیر عسکر، قوریقچی و بسیج خوفسیزلیک ریجه‌سی و ایکّی پولیس‌چی هم بار” دیب خبر بیردی.
سیستان و بلوچستان ولایت حاکمی اورین‌باسری علی رضا مرحمتی مطبوعاتگه ایتیشیچه؛ هجوم محلی وقت بیلن توناون تونده ساعت اونده باشلنگنینی ایتدی و هجومچیلر «راسکده‌گی مقریگه کیرماقچی بولگن، بیراق موفقیتگه ایریشه آلمه‌گن. عسکرلر تامانیدن اوق المشیش طفیلی؛ بیراق ماجرا دوام ایتماقده».
ایران حکومتی نقطه‌ی نظریدن، ایران نینگ بلوچ حدودلرینی اجره‌تیش اوچون کوره‌شه‌یاتگن «جیش العدل» رهبریتی پاکستانده جایلشگن و شو سببلی ایران پاکستان نینگ بلوچستان ولایتی نینگ بیر قسمینی راکت‌لر بیلن بامباردمان قیلگن، بو تهران و اسلام اورته‌سیده کیسکینلیکنی کیلتیریب چیقردی».
