کابل ۳ حمل باختر
باش وزیرلیک اداره‌سی نینگ اورین‌باسری مولوی عبدالسلام حنفی توناون کیچکی پیت آذربایجان نینگ افغانستانده‌گی ایلچیسی الهام محمدوف بیلن اوچره‌شدی.
الهام محمدوف اوشبو اوچره‌شووده افغانستان و آذربایجان برادر، مستقل، حدودی یخلیت و اره‌لشمه‌یدیگن دولتلر ایکنینی ایتدی.
افغانستانده آذربایجان ایلچیخانه‌سی آچیلیشینی ایکّی دولت اورته‌سیده‌گی یخشی مناسبتلر بیلن باغله‌دی. آذربایجان ایلچیسی، شونینگدیک، آذربایجان تاغ-کان صنعتی، تعلیم و کادرلر تیارلش همده افغانستانده خدمت کورسه‌تیش قوله‌یلیگینی رواجلنتیریش ساحه‌لریده سرمایه کیریته‌دی و همکارلیک قیله‌دی.
شو بیلن بیرگه، باش وزیرلیک اداره‌سی نینگ اورین‌باسری مولوی عبدالسلام حنفی آذربایجان ایلچیسینی قوتلر ایکن، افغانستان و آذربایجان ایکّی قرداش دولت کبی دینی، تاریخی و مدنی ساحه‌لرده کوپلب عمومی جهتلرگه ایگه ایکنلیگینی تأکیدله‌دی.
باش وزیرلیک اداره‌سی نینگ اورین‌باسری آذربایجان وکیلی نینگ افغانستانده بولگنیدن خورسندلیگینی بیلدیردی و اسلام امیرلیگی کیلگوسیده ایکّی دولت اورته‌سیده‌گی ایکّی تامانله‌مه مناسبتلرنی مستحکملش و رواجلنتیریشنی خواهلشینی قوشیمچه قیلدی.
حنفی نینگ توشونتیریشیچه، اسلام امیرلیگی مملکتده‌گی برچه سرمایه‌لرنی آلقیشله‌یدی و اولرگه برچه قوله‌یلیکلر یره‌تیب بیره‌دی.
تأکیدلش کیره‌ککی، باش وزیرلیک اداره‌سی نینگ اورین‌باسری اوشبو اوچره‌شووده اسلام امیرلیگی آذربایجان و دنیا نینگ باشقه دولتلری بیلن یخشی علاقه‌لر اورنه‌تیلیشینی ایستشینی تأکیدله‌دی.
