کابل ۳۰ ثور باختر
عدلیه وزیرلیگی «تیلنچیلرنی ییغیش و تیلنچیلیک نینگ آلدینی آلیش توغریسیده»گی قانون توشيح قیلینگنی و رسمی گزیتهده چاپ قیلینگنینی اعلان قیلدی.
بوگون عدلیه وزیرلیگی مطبوعات خدمتی نینگ معلوم قیلیشیچه، «تیلنچیلرنی ییغیش و تیلنچیلر نینگ آلدینی آلیش توغریسیده»گی قانون مقّدمه، ۳ باب و ۲۷ مادّهدن عبارت بولیب، اميرالمؤمنين حفظهالله حضرتلری تمانیدن توشیح، و عدلیه وزیرلیگی تامانیدن رسمی گزیتهده چاپ قیلینیب اعلان قیلینگن.
اوشبو قانونگه کوره، ساغلام یاکه کسبی، بیر کونلیک آزوق-اوقاتگه ایگه بولگن آدملرگه تیلنچیلیک قیلیش تعقیقلنهدی. شونینگدیک، بالهلر، معلوللر و معلوللرنی تیلنچیلیک مقصدیده فایدهلنیش تعقیقلنهدی.
اوشبو قانونده تیلنچیلیک کسب صفتیده ترتیبگه سالینگن، تیلنچیلیکنی ترتیبگه سالیش هم تعقیقلنگن و اونی صادر ایتگن شخصلرگه قماق جزاسی نظرده توتیلگن.
مذکور قانون اساسیده ایچکی ایشلر وزیرلیگی نینگ بنگی وار مادّهلرگه قرشی کورهشیش باشقرمهسی رئیسلیگیده تیلنچیلیک نینگ آلدینی آلیش بوییچه کمیسیون همده باشقه ۱۵ باشقرمه و باشقهرمهلر اعضالیگیده تشکیل ایتیلگن.
بو کمیسیون تیلنچیلرنی ییغیش، قشّاق تیلنچیلرنی برقرارلشتیریش، تیلنچیلیک عامللرینی بهالش، ایچکی و خارجی مؤسسهلر، خیریه ادارهلری و جسمانی شخصلردن یاردم سورهش، قشّاق تیلنچیلر نینگ یشهش جایلرینی نظارت قیلیش و باشقه چاره-تدبیرلرنی عملگه آشیریشی شرط.
اوشبو قانونده بلاغتگه ایتمهگن تیلنچیلرنی اوقیتیش و تربیه لش، یتیم، بیوه و معلول تیلنچیلرنی دوالش، اوز قرینداشلرینی تیلنچیلیک قیلیشگه مجبورلاوچی اوته اوتمهیدیگن بیمارلرنی دوالش، قرام تیلنچیلرنی دوالش، تیلنچیلیک قیلیش قابلیبیگه ایگه تیلنچیلرنی یاللش بلدیه لر تامانیدن آلیب باریلهیاتگن ایشلر و یاردم آلیش تأکیدلندی
«تیلنچیلرنی ییغیش و تیلنچیلیک نینگ آلدینی آلیش توغریسیده»گی قانونگه کوره، بالهلر، عقلی رسا یاکه معلوللرنی رحم قیلیش مقصدیده ایشلهتگن تیلنچیلر، بوندهی تیلنچیلر تشکیلاتچیلری و یاردم آلگهچ، تیلنچیلیک بیلن شغللنگن شخصلرگه نسبتاً قماق جزاسی بیلگیلنگن.
اوشبو قانون توشيح قیلینگن کوندن باشلب کوچگه کیرادی و ۱۴۴۷-سانلی رسمی گزیتهده اعلان قیلینگن.
اولوس مذکور قانوننی عدلیه وزیرلیگی نینگ نشرلر و جماعتچیلیک بیلن علاقهلر باشقرمَسیدن توغریدن-توغری یاکه یومشاق شکلده عدلیه وزیرلیگی ویب-سایتیدهگی قانونلر و قرارلر دیتابیسدن آلیشلری ممکن.