کابل ۷ جوزا باختر
کان و پترولیم وزیرلیگی نینگ سرپرست وزیری «افچین» کمپنی باشلیغی بیلن اوچره‌شوویده ایشلر نینگ باریشی و شفّافلیگینی تأکیدله‌دی.
بو حقده بوگون کانچیلیک و پترولیم وزیرلیگی مطبوعات خدمتی خبر بیردی.
کان و پترولیم وزیرلیگی نینگ سرپرست وزیری شیخ الحديث شهاب‌الدین دلاور «افچین» کمپنی باشلیغی و همراهلیگیده‌گی هیئت بیلن اوچره‌شدی.
مذکور ییغیلیشده «افچین» کمپنیسیگه تیگیشلی ایش ریجه‌لری، حساب-کتابلر، ۲ و ۳ اولچاولی دله (منطقه) تدقیقاتی و باشقه مسأله‌لر یوزه‌سیدن فکر المشیلدی. کمپنی باشلیغی کمپنی معمالری و ایشلرنی یخشیلش مقصدیده وزیرلیک بیلن اورتاقلشدی.
کان و پترولیم وزیرلیگی نینگ سرپرست وزیری اولر نینگ تکلیف و معمالرینی تینگلب، هر تامانله‌مه همکارلیک قیلیشیگه ایشانچ بیلدیریب، ایشلرده ایلغارلیک و شفّافلیکنی تأکیدلب، ایشلرنی یخشیلش اوچون ضرور توشونچه‌لرنی تاپشیردی.
