کابل ۷ جوزا باختر
افغانستان قیزیل یریم آی جمعیتی اورین‌باسری ملا نورالدین ترابی و اونگه همراهلیک قیله‌یاتگن هیئت آى اېچ اېچ بشردوستلیک خیریه جمغرمه‌سی باشلیغی وحیدالدین، اوشبو جمغرمه نینگ بشردوستلیک دیپلوماتی مسئولی جنید و مرکزی آسیا بولیمی مسئولی حمزه بیلن تورکيه نینگ استانبول شهریده بشردوستلیک یاردمنی جلب قیلیش و رواجلنیش لایحه‌لرینی قولگه کیلتیریش بوییچه اوچره‌شدی.
بوگون افغانستان قیزیل یریم آی جمعیتی اوشبو خبرنی اعلان قیلدی و افغانستان قیزیل یریم آی جمعیتی اورین‌باسری بو اوچره‌شووده اوشبو خیریه جمغرمه‌سی متصدیلریگه و افغانستان خلقیگه دایمی یاردم کورسه‌ته‌یاتگنیگه منّتدارچیلیک بیلدیردی و اولر بیلن همکارلیکنی ینه‌ده کینگه‌یتیریشگه امید بیلدیردی.
جمغرمه باشلیغی اوز نطقیده افغانستانده‌گی یاردملرینی دوام ایتتیریشگه وعده بیردی و تورکيه‌دن افغانستانگه ۶۵۰ تُن آزوق-اوقات و ناازیق-اوقات محصولاتلرینی آلیب باره‌یاتگن ریل نینگ کیله‌سی هفته‌ده بو مملکتگه ییتیب باریشینی قوشیمچه قیلدی.
