کابل ۷ جوزا باختر
باش وزیر ادارهسی نینگ سیاسی اورینباسری خارجدهگی متخصصلر اتفاقی وکیللری بیلن اوچرهشوویده افغانستان اسلام امیرلیگی نینگ سیاستی مملکت کادرلری و شخصلرینی قدرلش و قوللب-قوّتلشدن عبارت ایکنلیگینی تأکیدلهدی.
ارگ نشری نینگ خبر بیریشیچه، باش وزیر ادارهسی نینگ سیاسی اورینباسری مولوی عبدالکبیر سپیدار سراییده خارجیده یشهیاتگن افغانستانلیک سرمایهدارلر اتفاقی وکیللری بیلن اوچرهشگن.
اوشبو اوچرهشووده تیلگه آلینگن اتفاق نینگ وکیللری داکتر دوست محمد ځدران و داکتر غلام حضرت ۱۶۰ کیشی مسلکی شفاکارگه ایگه بولگن مذکور اویوشمه مملکتیمیز فقرالریگه خدمت کورسهتیشینی، خارجده استقامت قیلهیاتگن کوپلب افغان متخصصلری مملکتگه قَیتیشلری بوییچه تیار ایکنینی تأکیدلهدیلر.
بو وکیللر نینگ قوشیمچه قیلیشیچه، اولر نینگ ساغلیقنی سقلش ساحهسیده اوتمیشدهگیگه نسبتاً صلاحیتی یخشیلنگنی، مملکتیمیزده کوپلب کسللیکلرنی دوالیدی.
شونینگدیک، اولر باش وزیر ادارهسی نینگ سیاسی اورینباسریگه خارجدهگی یشهیاتگن اتفاقی نینگ قطار معما و تکلیفلری بیلن اورتاقلشدیلر.
اوشبو اوچرهشووده باش وزیر ادارهسی نینگ سیاسی اورینباسری مولوی عبدالکبیر مملکتدهگی شفاکارلر و ساغلیقنی سقلش ساحهسی خادملری نینگ سعی-حرکتلری اوچون منّتدارچیلیک بیلدیریب، بو متخصصلرنی مملکت نینگ بویوک پایتختی دیب اتهدی و افغانستان هر قندهی حالتده هم اولرگه محتاج ایکنینی تأکیدلهدی.
مولوی عبدالکبیر افغانستان اسلام امیرلیگی نینگ سیاستی مملکت کادرلری و شخصلرینی قدرلش و قوللب-قوّتلشدن عبارتلیگینی و اولرگه هر قندهی قولیلیکلر یرهتیشگه حرکت قیلیشینی قوشیمچه قیلدی.
او شوندهی دیدی: “افغانلر قشّاق و قشّاق بولگنلیگی سببلی، دولت و خصوصی ساغلیقنی سقلش بولیملری اولرگه تشخیص قوییش و دوالش اوچون تولیق انیقلیک و مِهر بیلن ایشلشلری کیرهک دیدی.”
باش وزیر ادارهسی نینگ سیاسی اورینباسری، شونینگدیک، خارجدهگی متخصصلر اویوشمهسی اعضالرینی معما و تکلیفلرینی حل ایتیش مقصدیده تیگیشلی ادارهلر بیلن اورتاقلشیشگه ایشانتیردی.