کابل ۲۰ ثور باختر
افغانستان قیزیل یریم آی جمعیتی تامانیدن «انسانیت حمایه‌سی» نامی آستیده اوتکزیلگن مراسمده باش وزیر اداره‌سی نینگ سیاسی اورین‌باسری افغانستان اسلام امیرلیگی منطقه دولتلری بیلن تورلی ساحه‌لرده یخشی همکارلیک قیلیب کیله‌یاتگنینی تأکیدله‌دی.
ارگ گزیته‌سیده یازگن خبریگه کوره، افغانستان اسلام امیرلیگی باش وزیر اداره‌سی نینگ سیاسی اورین‌باسری مولوی عبدالکبیر توناون افغانستان قیزیل یریم آی جمعیتی تامانیدن اویوشتیریلگن جهان قیزیل خاچ و قیزیل یریم آی حرکتی کونی مناسبتی بیلن اویوشتیریلگن مراسمده. سرلوحه‌سی آستیده (انسانیت حیاتینی حمایه قیلیش)، سوز یوریتدی.
بیر قطار وزیرلر بحثی اعضالری، افغانستان قیزیل یریم آی جمعیتی رهبریتی، کابلده‌گی قیزیل خاچ رسميلری و باشقه بیر قطار باشقرمه متصدیلری و کونگیللیلر اشتراک ایتگن اوشبو مراسمده مولوی عبدالکبیر بو مراسم مهم اهمیتگه ایگه ایکنلیگینی تأکیدله‌دی. چونکه افغانستان و فلسطیننی اوز ایچیگه آلگن کوپلب اسلامی مملکتلرده قیزیل یریم آی و قیزیل خاچ فعالیتی اوچون میلیونلب آدملرگه محتاج بولیب، اولر نینگ فعالیتی نتیجه‌سیده میلیونلب آدملر نینگ حیاتی سقلب قالیندی و بو جریان حلی هم دوام ایتماقده دیدی.
مولوی عبدالکبیر قیزیل یریم آی و قیزیل خاچ افغانلر حیاتینی سقلب قالیش اوچون آغیر شرایطلرده ایشله‌گنینی، افغانستان اسلام امیرلیگی قیزیل خاچ و قیزیل یریم آی جمعیتی نینگ افغانستانده‌گی سعی-حرکتلرینی قدرلشینی همده افغانستانده‌گی اختیاری فعالیتی و خدمتلری اوچون اولرگه منّتدارچیلیک بیلدیریشینی قوشیمچه قیلدی.
اونگه کوره؛ مملکتده اسلام امیرلیگی حکمرانلیگی بیلن ملی خوفسیزلیک تأمینلنگن بولسه-ده، میلیونلب افغانلر همان بشردوستلیک یاردمگه محتاج.
اونینگ انیقلیک کیریتیشیچه، اقتصادی برقرارلیکنی تأمینلش مقصدیده افغانستانده اوچ ییلدن کمراق وقت ایچیده تورلی ساحه‌لرده اساسی لایحه‌لر عملگه آشیریلگن یاکه عملگه آشیریلماقده.
مولوی عبدالکبیر نینگ ایتیشیچه، افغانستان اسلام امیرلیگی منطقه‌ده‌گی اقتصادی امکانیتلردن فایده‌لنیش سیاستینی تنله‌گن و حاضرده منطقه دولتلری بیلن تورلی ساحه‌لرده همکارلیک قیلماقده و دنیا بیلن یخشی همکارلیک یولگه قوییلگن.
اونینگ تأکیدلشیچه، بانک تیزیمیمیزگه یوقاری چیکلاولر قوییش، تشقی یاردم و اقتصادی قیینچیلیکلرنی کمه‌یتیریش وضعیتنی مرکّبلشتیره‌دی و اسلام امیرلیگی فعالیتینی چیکلیدی، شو نینگ اوچون بانک تیزیمیگه نسبتاً یوقاری چیکلاولرنی توخته‌تیش و چیکّه حدودلرگه یاردم بیریش کیره‌ک. و فعالیتینی عملگه آشیریش، خیریه و ییرآستی بایلیکلری بوییچه جدی ایشلش و بو اورینگه مؤسسه‌لرنینگ رولی مهم دیب اته‌دی و بو ساحه‌ده خلق‌ارا بولیملر ایش آلیب باریشیگه امید بیلدیردی.
