کابل ۴ ثور باختر
باش وزیرلیک ادارهسی نینگ سیاسی اورینباسری افغانستان نینگ چیندهگی ایلچیسی بیلن اوچرهشوویده افغانستان اسلام امیرلیگی و بو دولت اورتهسیدهگی علاقهلرنی ایکّی دولت اوچون مهم و فایدهلی دیب حسابلهدی.
ارگ خبرنامهسیده افغانستان اسلام امیرلیگی نینگ باش وزیرلیک ادارهسی سیاسی اورینباسری مولوی عبدالکبیر نینگ افغانستان نینگ چیندهگی ایلچیسی مولوی بلال کریمی و اترا عمومی باشلیغی مولوی سید برات شاه ندیم آغا بیلن سپیدار سراییده علیحده اوچرهشگنینی یازدی.
مولوی بلال کریمی باش وزیرلیک ادارهسی نینگ سیاسی اورینباسریگه افغانستان نینگ چیندهگی ایلچیخانهسی ایریشگن یوتوقلر حقیده معلومات بیریب، افغان دیپلوماتلری نینگ چین حکومتی و ادارهلری بیلن یخشی رسمی علاقهلری بارلیگینی تأکیدلهدی.
کریمی نینگ قوشیمچه قیلیشیچه، چین حکومتی افغانستان اسلام امیرلیگی نینگ داعشنی باستیریش، فسادگه برهم بیریش، بنگی وار مادّهلرگه قرشی کورهش و اقتصادیات ساحهسیدهگی فعالیتلرینی یوقاری بهالهیدی.
افغانستان نینگ چیندهگی ایلچیسی خوفسیزلیک، شفّافلیک و برقرارلیکنی چینلیک سرمایهدارلرینی افغانستانگه سرمایه کیریتیشگه قیزیقتیرگن عامللر صفتیده تیلگه آلدی و اونینگ سوزلریگه کوره، کوپ سانلی چینلیک سرمایهدارلر بو بارهده افغانستان ایلچیخانهسی بیلن علاقهده.
باش وزیرلیک ادارهسی نینگ سیاسی اورینباسری مولوی عبدالکبیر هم چین نینگ منطقه و جهاندهگی اورنیگه توختهلیب، افغانستان اسلام امیرلیگی و بو دولت اورتهسیدهگی علاقهلرنی ایکّی دولت اوچون مهم و فایدهلی دیب حسابلهدی.
باش وزیرلیک ادارهسی نینگ سیاسی اورینباسری افغانستان نینگ اوشبو مملکتدهگی ایلچیخانهسی نینگ افغانستان و چین اورتهسیدهگی سودا-ساتیقنی یخشیلش بارهسیدهگی سعی-حرکتلرینی علیحده تأکیدلب، اسلام امیرلیگی هر ایکّی تامان تدبیرکارلریگه ضرور قولیلیکلر یرهتگنینی تأکیدلهدی.
شونینگدیک، باش وزیرلیک ادارهسی نینگ سیاسی اورینباسری اترا عمومی باشلیغی مولوی سید برات شاه ندیم آغا بیلن اوچرهشدی و اوشبو اوچرهشووده مولوی سید برات شاه ندیم آغا مخابراتی ساحهسینی مستحکملش، صفتلی خدمتلر و کینگ قمراولی همکارلیک بوییچه اوز ریجهسی بیلن اورتاقلشدی. باش وزیرلیک ادارهسی نینگ سیاسی اورینباسری بیلن مخابراتی خدمتلری و یاریتیلیشی حقیده معلومات بیریب اوتدی.
اترا عمومی باشلیغی نینگ تأکیدلشیچه، اولر نینگ بهالشیگه کوره، بو دفتر اوتمیشدهگیگه نسبتاً مسلکی و صفتلی خدمتلر کورسهتیش بوییچه یخشی حالتده ایکنینی ایتدی.
مولوی عبدالکبیر، شونینگدیک، اترا چیکّه حدودلرگه مخابراتی خدمتلرینی کورسهتیشگه اوستوار اهمیت بیریشی و مخابراتی ساحهسیده کیینگی اصلاحاتلرنی عملگه آشیریشی کیرهکلیگینی تأکیدلهدی.