کابل ۱ حمل باختر
کان و پترولیم وزیرلیگی نینگ سرپرست وزیری هرات نینگ غوریان تیمیر کانی نینگ پودرتچیلری(قراردادی)لر بیلن اوچرهشیب، غوری تیمیر بلاکلرینی قیدیریش ایشلرینی امکان قدَر تیزراق باشلش کیرهکلیگینی تأکیدلهدی.
بو حقده کانچیلیک و پترولیم وزیرلیگی مطبوعات خدمتی بوگون معلوم قیلدی
کان و پترولیم وزیرلیگی نینگ سرپرست وزیری شیخ الحدیث شهابالدین دلاور اوز کابینتیده هراتدهگی غوریان کانی نینگ تورتته بلاکی پودرتچیلری بیلن اوچرهشدی.
مذکور ییغیلیشده پودرتچیلر وزیرلیک باشلیغیگه خوفسیزلیک، جیولوژی، واردات تخنیکسی و باشقه ساحهلرده اوز تکلیف و طلبلری بیلن اورتاقلشدی.
کان و پترولیم وزیرلیگی نینگ سرپرست وزیری اولر نینگ تکلیف و مراجعتلرینی تینگلب، غوری تیمیر کانینی مملکتیمیز اقتصادی ترقیاتیده مهم اهمیتگه ایگه، دیب حسابلهدی همده کوپراق آبعیکتلر یرهتیش و ایشلریگه رخصتنامهلر بیریشده همکارلیک قیلیشگه وعده بیردی همده یوقاریده قید ایتیلگن کانلرنی جیولوژی ایشلرینی آلیب باریش ضرورلیگینی تأکیدلهدی. تیمیر بلاکلری علاجی باریچه تیزراق باشلنیشی کیرهک دیدی.
شونینگدیک، شیخ الحدیث شهابالدین دلاور اوز ادارهسیده حاجی شالیزی، جنرال بیک و باشقه قبیله باشلیقلری بیلن اوچرهشدی.
اوشبو اوچرهشووده آقسقاللر و نفوذلی شخصلر اسلام امیرلیگی نینگ فسادگه قرشی برهم بیریش، ملی باشقروو و بوتونلی خوفسیزلیک، شونینگدیک، بویوک لایحهلرینی عملگه آشیریش و منرال ریسورسلرنی یخشیراق باشقهریش ساحهسیدهگی ایشلری و یوتوقلرینی یوقاری بهالهدیلر و اولرنی تکلیف قیلیشنی سوردیلر. خارجده بولگن اَیریم سرمایهدار کیشیلر و افغانستانگه سرمایه کیریتیشینی آلقیشلهدی.
اولر، شونینگدیک، سرمایهدارلرلیک ساحهسی تام معناده قولهی بولگنلیگی سببلی، بیز هم تاغ-کان صنعتیگه سرمایه کیریتیش و سرمایهدارلرنی رغبتلنتیریشدن علاقهدار میز، دیدیلر.
مذکور ییغیلیشده کان و پترولیم وزیرلیگی نینگ سرپرست وزیری اولر نینگ برچه معما و تکلیفلرینی تینگلب، معمالرنی حل ایتیشده همکارلیک قیلیشگه وعده بیردی.
ینه بیر خبرگه کوره، کان و پترولیم وزیرلیگی نینگ سرپرست وزیری شیخ الحدیث شهابالدین دلاور پارلمان نینگ سابق اعضاسی عبدالقادر قلاتوال بیلن اوچرهشوویده ملی خوفسیزلیک و ملی حاکمیت، ایچکی و خارجی سرمایهدارلر اوچون یرهتیلگن قولهی شرط-شرایطلر، اینیقسه مملکت کانلریگه کیریتیلهیاتگن سرمایه و شخصلر نینگ یورتگه قَیتیشی مسألهلری بحث قیلیندی و فکر المشیلدی.