کابل(بی این اے) وزیر معدنیات و پیٹرولیم شیخ الحدیث شہاب الدین دلاور سے فرانسیسی سرمایہ کار نے ملاقات کی۔
پریس ریلیز میں کہا گیا ہے کہ اس ملاقات میں فرانسیسی سرمایہ کار نے افغانستان میں مجموعی سیکیورٹی پر خوشی کا اظہار کیا اور زمرد کی کانوں میں سرمایہ کاری کے علاوہ لیبارٹریز کی تعمیر پر بھی دلچسپی ظاہر کی۔
وزیر معدنیات و پیٹرولیم نے کہا ہے افغانستان کے پاس معدنی وسائل بہت زیادہ ہیں۔ اس وقت ملک بھر میں مجموعی طور پر سیکیورٹی یقینی بنائی گئی ہے اور ہر کوئی اعتماد کے ساتھ سرمایہ کاری کر سکتا ہے۔
انہوں نے مذکورہ سرمایہ کار کی افغانستان میں سرمایہ کاری کا بھی خیر مقدم کیا اور اس سلسلے میں انہیں ضروری تعاون کا یقین دلایا۔
