کابل(بی این اے ) وزیر صنعت و تجارت نے قندھار میں سیمنٹ کی ایک بڑی فیکٹری کے تعمیراتی عمل کا دورہ کیا۔
مذکورہ وزارت کی پریس ریلیز میں کہا گیا کہ وزیر صنعت و تجارت الحاج نورالدین عزیزی نے قندھار کے شورندام انڈسٹریل پارک میں سیمنٹ کی ایک بڑی فیکٹری کی تعمیر کا دورہ کیا۔
یہ فیکٹری 100 ایکڑ اراضی پر پرائیویٹ سیکٹر کی کروڑوں ڈالر کی سرمایہ کاری سے تعمیر کی جا رہی ہے۔
طے پایا ہے کہ اس فیکٹری کی تعمیر آئندہ پانچ سال کے اندر مکمل کر لی جائے گی اور اس کی پیداواری صلاحیت پانچ ہزار ٹن یومیہ تک ہو گی۔
واضح رہے کہ مذکورہ فیکٹری کے فعال ہونے کے بعد تقریباً پانچ ہزار افراد کو روزگار ملے گا۔
