بازارک(بی این اے) چھٹی بار پنجشیر کی کانوں سے نئے حاصل کیے گئے زمرد فروخت کیے گئے۔
باختر ایجنسی کے مطابق پنجشیر کی کانوں سے نکالے گئے زمرد کی چھٹی پیداوار نیلامی کے ذریعے فروخت کی گئی جس میں پنجشیر کے گورنر حافظ محمد آغا حکیم، پنجشیر کی کانوں کی مانیٹرنگ کمیٹی کے بورڈ اور پتھر کے متعدد تاجروں نے شرکت کی۔
پنجشیر مائنز اینڈ پیٹرولیم کے سربراہ مولوی محمد قاسم امیری نے باختر ایجنسی کو بتایا آج کی نیلامی میں 3,640 قیراط زمرد 1,98,400 ڈالر میں فروخت ہوئی۔
انہوں نے مزید کہا کہ زمرد کا یہ پیک زیادہ قیمت پر فروخت کیا گیا تھا۔
واضح رہے کچھ عرصہ قبل پانچویں بار زمرد نیلام کیا گیا تھا جس کا کل وزن 2,059 قیراط اور قیمت 117,700 ڈالر تھی۔