طالبان یک مکتب را در کنر آتش زدند

اسعدآباد باختر 25 دلو
طالبان مسلح یک مکتب ابتدائیه را درولسوالی  دانگام ولایت کنر  دیشب  آتش زدند.
این رویداد درساحه ساونه مربوطات ولسوالی  دانگام  به وقوع پیوست .
عبدالقهار آخوند زاده  معاون تدریسی ریاست معارف ولایت کنر  به آژانس  باختر گفت: طالبان محافظ مکتب ابتدائیه ساونه را باریسمان بستند و داخل  مکتب شدند بعد مکتب را به آتش  کشیدند.
به گفته  منبع، در نتیجۀ  آتش  سوزی  درمکتب یادشده هشتاد فیصد تجهیزات این  مکتب  از بین رفته است .
دراین مکتب، سه صد تن از دختر وپسر آموزش های می دیدند .