رئیس جمهور غنی در مراسم فاتحهء شهدای مرکز تعلیمی پولیس میدان وردک، اشتراک کرد

کابل باختر13 سرطان
محمد اشرف غنی رئیس جمهوری اسلامی افغانستان امروز در مراسم فاتحه خوانی شهدای مرکز تعلیمی پولیس میدان وردک که در مسجد جامع عیدگاه شهر کابل برگزار گردیده بود، اشتراک کرد.
به اساس معلومات دفتر مطبوعاتی ریاست جمهوری به آژانس باختر: رئیس جمهور اسلامی افغانستان ضمن اتحاف دعا بر روح شهدای این حادثه المناک، تسلیت و غمشریکی خویش را به خانواده و دوستان شهدای مرکز تعلیمی پولیس میدان وردک ابراز نمود و برای شهدا جنت برین و به بازماند گان شان صبر جمیل از بارگاه ایزد متعال استدعا کرد.
در مراسم فاتحه، برعلاوهء رئیس جمهوری اسلامی افغانستان، شماری از اعضای کابینه،  شورای ملی و شورای علما، مسئولین بلند رتبه دولتی، جنرالان و افسران قوای مسلح بخصوص پولیس ملی، خانواده های شهدا و صدها تن از شهروندان کابل، اشتراک نموده بودند.