کابل ۱۱ حوت باختر
کان و نفت وزیرلیگی نینگ سرپرست وزیری شیخ الحدیث شهابالدین دلاور غور سرب و جست نینگ «اکرام نعیمی» و «قلعه افغان» قازیب آلووچی شرکتلر بیلن شرطنامهلرینی امضالهدی.
کان و نفت وزیرلیگی نینگ ترقهتیلگن خبرنامه سیده شوندهی دییلگن: «اکرام نعیمی شرکتی نینگ غور ولایتیدهگی سرب و جست نینگ بیرینچی بلاکی، میدانی تخمیناً ۱۷۵ کوادرات کیلومتر؛ گیزدیروو باسقیچیگه ۱۰ میلیون دالر، استثمار باسقیچیگه ایسه ۳۶ میلیون ۲۰۷ مینگ دالر سرمایه کیریتهدی. شونینگدیک، تخمیناً ۱۰۴ کوادرات کیلومتر میدانگه ایگه سرب و جست غور اوچینچی بلاکی نینگ یرمی اوچون شرطنامه؛ ۶ میلیون و ۹۵۰ مینگ و ۴۲۰ آمریکا دالری قیدیروو ایشلریگه، ۴۱ میلیون و ۵۶۰ مینگ آمریکا دالری ایسه فایدهلنیش باسقیچیگه یونهلتیریلهدی.
شرطنامهده اکرام نعیمی شرکتی قندهار نینگ ارغنداب تومنیدن ارزگان مرکزیگچه بولگن ۲۰۹ کلیومتر یول بیلن بیرگه اجتماعی خدمتلر و ۲۰ فایز درآمد سالیغی، ۲۰ فایز رویالتی و ییر اجارهسی اوچون هر ییلی ۱۵۰ مینگ دالر صرفلشگه مجبور بولهدی. او ترینکوت و دهراود تومنیدن چتو کوپریگیگچه قَیته قوریلهدی و اطراف-محیطنی محافظه قیلیش مقصدیده قیدیروو باسقیچیده ۵۰۰ مینگ آمریکا دالری و استثمار باسقیچیده ۲۰۰ مینگ دالر صرفلنهدی.
شو بیلن بیرگه، قلعه افغان شرکتی اجتماعی خدمتلر و اطراف-محیطنی محافظه قیلیش اوچون ۸ میلیون دالر صرفلهیدی.
بو نینگ اوچون قیدیروو باسقیچیده ۸۵ مینگ دالر، استثمار باسقیچیده ایسه ۱ میلیون و ۵۰۰ مینگ دالر صرفلنهدی.
بوندن تشقری، اوشبو شرکت ۲۰ فایز درآمد سالیغی، ۲۰ فایز رویالتی و ییر اجارهسی تولهیدی و غور-هرات یولی بیلن بیرگه هرات حلقه یولی نینگ اَیریم قِسملری هم قوریلهدی.
ایتیلیشیچه، اوشبو شرکتلر برچه قَیته ایشلش ایشلرینی مملکت ایچیده عملگه آشیرهدی، بو ایسه ۶ مینگ کیشینی بی واسطه و بالواسطه ایش بیلن تأمینلهیدی.