احمد ضیاء مسعود: همه شهروندان کشور مسوولیت دارند در پاککاری شهر های شان، کارکنان شاروالی را یاری رسانند

کابل باختر 14 عقرب
احمد ضیاء مسعود نمایندهٔ فوق العادهٔ رییس جمهور در امور اصلاحات و حکومتداری خوب در برنامهٔ بزرگی تنظیف شهری که از سوی شاروالی کابل برگزار شده بود اشتراک نمود.
به اساس معلومات دفتر مطبوعاتی نماینده فوق العاده رییس جمهور به آژانس باختر، در این برنامه نمایندهٔ فوق العادهٔ رییس جمهور ضمن تنظیف شماری از ساحات ناحیه پانزدهم شهر کابل با حضور شاروال کابل، معیینان و کارکنان شاروالی در صحبت به کارکنان شاروالی گفت: شما مسئولیت بزرگ تنظیف شهرتان را دارید و مردم نیز یکی از مسئولیت های وجدانی شان همکاری با شما در جهت پاک کاری شهر می باشد تا بتوانیم شهر آری از کثافات و آلودگی داشته باشیم.
وی گفت: همهٔ شهروندان کشور مسئولیت دارند که در زمینهٔ نهادینه شدن فرهنگ شهر نشینی دست به دست هم داده در پاک کاری شهر هایشان، کارکنان شاروالی را یاری رسانند.