کابل/ د غبرګولي ۷مه/ باختر
جمهور رئیس محمد اشرف غني د هيواد له سياسي رهبرانو او مطرحو شخصیتونو سره د مشورتي ناستو په لړ کې، نن ماسپښین د هيواد له مخکېني جمهور رئیس حامد کرزي سره وکتل.
په دې کتنه کې، جمهور رئیس غني د عادلانه او پايداره سولې د تامين لپاره د ملي او سياسي اجماع پياوړتيا په موخه د نوموړي او نورو مشرانو مشورې مهمې وبللې او له هغه سره يې د افغان سولې د راتلونکو اقداماتو په اړه خبرې وکړې.
