نړۍ، د کب ۷ مه، بهرنۍ رسنۍ
اسرایلي رسنیو خبر ورکړی، چې ټاکل شوې نن دوشنبې د صهیونست رژیم یو پلاوی له فلسطیني جهادي ډلو په ځانګړي ډول حماس غورځنګ سره د اسیرانو د تبادلې په اړه د خبرو لپاره د قطر پلازمینې دوحې ته ولاړ شي.
ځینو نورو رسنیو بیا د سرچینو له قوله ویلي، چې ممکن د دغو خبرو په پایله کې یو شپږمیاشتېنی اوربند اعلان شي.
منځني ختیځ کې نورې اړوندې پېښې…
د لبنان حزب الله د شمالي فلسطین اشغالي سیمو کې د صهیونست پوځ مرکزونه په نښه کړي او د اسرایلي پوځ ته یې د حتمي مرګ ژوبلې اړولو ادعا کړې.
دغه راز اسرایلي ځواکونو هم د لبنان په جنوب کې د حزب الله پر نظامیانو برید کړی دی.
د منځني ختیځ په یوې بلې څنډه کې بیا د امریکا پوځ په سرې بحیره کې د یمن د پوځ له لوري د دوی پر کیښتیو د توغندیزو بریدونو خبر ورکړی دی.
