کا بل باختر د چنګاښ نهه ويشتمه :
په جوزجان کې مظاهرې نن اتلسمې ورځې ته ورسيدې .
دباختراژانس دخبريال دخبرله مخې ، داسلامي ملي غورځنګ ګوند يوشمېر ځوانانو او دجوزجان ولايت يو زيات شمېر اوسيدونکو نن هم په شبرغان ښار کې په مظاهرو لاس پورې کړ او په خپلو ژمنو يې ټينګار وکړ .
دمظاهرو برخه والو هېواد ته دجمهوري رياست دلومړي مرستيال جنرال عبدالرشيد دوستم په راستنيدو او د قيصاري په خلاصون ټينګار کاوه .
د لاريون برخه والو وويل تر هغه وخته پورې خپلو مدني حرکتونو ته دوام ورکوي تر څو چې يې غوښتنې نه وي منل شوي.
ختم_( عطاالله _ اکرم
