د بهرنیو چارو وزیر ډاکټر زلمي رسول له پولنډ څخه لیدنه وکړه او د خپل پولنډي سیال سره په لیدنه کې یی د افغانستان او پولنډ تر منځ د همکاریو په نوي هوکړه لیک د کار د پیل څخه خبرورکړ

کابل باختر دثور  دويمه

 

   د اپریل د ۱۹ مې څخه تر ۲۱ مې نیټې د بهرنیو چارو وزیر جلالتمآب ډاکټر زلمي رسول د یوه رسمي سفر په ترڅ کې د پولنډ څخه لیدنه وکړه .

 

په دغه درې ورځني سفر ډاکټر رسول د پولنډ د لومړي وزیر مرستیال  او د بهرنیو او دفاع وزیرانو سره لیدنه وکړه.

په ټولو لیدنو کې دواړو لوریو د افغانستان او پولنډ ترمنځ پراړیکو ، ددوستي پر نږدې او تاریخي پیوند او همکاری ټینګار وکړ. 

 

ډاکټر رسول او دده پولنډي سیال رادوسلاو سیکارسکی د پرمختګ او  په نږدي راتلونکي کې ددواړو هیوادونو تر منځ د متقابلو همکاریو د یوه هوکړه لیک د لاسلیک کولو پر بنسټ د خپل عزم څخه خبرورکړ.

 

ډاکټر رسول څرګنده کړه: " د افغانستان او پولنډ تر منځ د متقابلو همکاریو هوکړه لیک به زموږ د د هیوادونو تر منځ په سیاسي ،اقتصادي او ټولنیزو برخو کې د همکاری د پراختیا او چټکتیا د لا ټینګښت سبب وګرځي."

 

دواړو لوریو د لیږد د بهیر د پرمختګ چې تردې مهاله یی صورت نیولی او د امنیتي مسؤلیتونو د په غاړه اخیستو او دافغانستان څخه ددفاع لپاره د افغان امنیتي ځواکونو د ظرفیت او تواناییو د ودې په نسبت رضایت څرګند کړ.

 

همداراز دواړو لوریو د متقابلو ګټورو اقتصادي او سوداګریزو همکاریو پر اهمیت ټینګار وکړ او هوکړه وشوه تر څو ددواړو لوریو سوداګریز پلاوي په افغانستان کې د پولنډي کمپنیو د پانګونې د بالقوه ساحاتو د د پلټلو په موخه لیدنې تنظیم کړي.

 

ډاکټر رسول د افغانستان د امنیت ،ثبات ،پرمختګ او ځوانې دموکراسی څخه د پولنډ د ثابت ملاتړ له امله د افغانستان ددولت او خلکو د مننې او قدردانی مراتب څرګند کړل.

 

ډاکټر رسول په وارسا کې د ښاغلي سکروسکي سره په یوه ګډه مطبوعاتي ناسته کې وویل :"لطفاً اجازه راکړی چې ددې فرصت څخه په ګټه اخیستو سره د ښه نیت ،ددوستی پیوند او په ځانګړي توګه د افغانستان د پرمختګ او امنیت په برخه کې ستاسو د سربازانو د ملاتړ او قربانیو له امله د افغانستان ددولت او خلکود مننې مراتب څرګند کړم ."