کابل /دتلې ٧مه /باختر:
دراى ورکولو له مرکزونو څخه دولايتونو مرکزونو ته دانتخاباتي توکو دلېږدونې بهير پيل شوي دي
دانتخاباتو له ترسره کولو او درايو له شمېرنې وروسته د انتخاباتو دکمېسيون دکار دڅرنګوالي له مخې، دراى ورکولو صندوقونه دولايتونومرکزونو او په پاى
کې په کابل کې دکمېسيون مرکزي دفترته لېږدول کېږي .
دانتخاباتو دکمېسيون مرستيال عصمت الله مل وايي چې دولايتونو مرکزونو ته دراى ورکولو دصندقونو د لېږدونې بهير به درې ورځې ونيسي .
هغه وويل: له سختو لارو لرونکو او ناامنو ولسواليو څخه دولايتونو مرکزونو ته دانتخاباتي توکواو په تېره بيا دراى ورکولو دصندوقونو لېږدونه د هوا له لارې او دملي دفاع اوکورنيوچارودوزارتونو دالوتکو په مرسته ترسره کېږي .
داپه داسې حال کې ده چې لاتراوسه پورې دهېواد په انتخاباتي محلونو کې درايو دشمېرنې بهير پاى ته نه دى رسيدلى .
ټاکل شوې ده دافغانستان دانتخاباتو کمېسيون دانتخاباتو لومړنۍ پايلې دروان کال دتلې دمياشتې په ٢٧ نيټه او وروستۍ پايلې دلړم دمياشتې په ١٦ نيټه اعلام کړي .
ختم_ ف _ اکرم
