دځمکې په لسګونه تنه غاضبين څارنوالى ته معرفي شول

-کابل باختر د غبرګولي يوولسمه :
په لسګونه تنه د ننګرهار کانال دځمکو دغضب  په تور څارنوالى ته معرفي شوي دي .
په دغو کسانو تور لګول شوى دى  چې دوروستيو کلونوپه بهير کې يې  ددغه کانال  په لسګونه جريبه ځمکه يې غضبه کړې ده .
  له بله پلوه  ويل کيږي  چې دننګرهار  دکانال  مسوولينو دامنيتي ځواکونوپه همکارۍ  دوروستيو مياشتو په بهير کې بريالي شوي دي  ددغه کانال څلور سوه شپيته  جريبه ځمکه  د غاصبانو له منګولو څخه  خلاصه کړي .
دننګرهار دکانال رييس غلام حضرت  عبدالرحيم زي  باختراژانس ته وويل  چې دوى بريالي شوي دي  چې دکانال څلور سوه شپيته جريبه ځمکه  له غاصبانو څخه بيرته ترلاسه کړي .
  ده وويل  ددغو ځمکو د غضبولو په اړوند نوي تنه  دامنيتي ځواکونوله خوا نيول شوي  او څارنوالى ته سپارل شوي دي .
په همدې حال کې دننګرهار دوالي وياند عطاالله خوږياڼي وايي  چې ددغو کسانو دوسيې به ډير ژر محکمې ته  وليږل شي .