کابل باختردمرغومي دمياشتې٢٤نيټه :
د بهرنيو چارو وزارت اداري او د منابعو معين ډاکټر نصيراحمد انديشه نن د ايران داسلامي جمهوريت د بهرنيو چارو د وزارت له مرستيال او د دغه وزارت د سياسي اونړيوالو مطالعاتو د مرکز له رئيس ډاکتر سيدمحمدکاظم سجاد پور سره وکتل.
دبهرنيو چارو وزارت مطبوعاتي دفتر باخترآژانس ته خبر ورکړ.
ډاکتر سجاد پور او ملګري هيئت يې د سيمه ييزو تعاملاتو او د افغانستان او ايران په اړيکو د هغه داغيزو په غونډه کې د ګډون په مقصد کابل ته سفرکړى دى.
په دې کتنه کې ډاکټر انديشه د هېوادونو داړيکو په څېړنه او تحليل کې د ستراتيژيکي مطالعاتو د مرکزونو رول مهم وباله او دافغانستان داسلامي جمهوريت او د ايران د اسلامي جمهوريت د بهرنيو چارو د وزارتونو دستراتيژيکي مطالعاتو دمرکزونو ترمنځ دغونډو او اړيکو په دوام يې ټينګاروکړ.
په دې کتنه کې دايران د بهرنيو چارو د وزارت مرستيال د دواړو هېوادونو داړيکو دارزښت په باب خبرې وکړې اوپه بېلابېلو برخو کې يې داړيکو په پراختيا ټينګار وکړ. پاىجذ
