جمهور رئیس غني د یو نیالګي په کینولو سره د پسرلي هرکلی وکړ

کابل باختر د کب نهه ويشتمه
د افغانستان د اسلامي جمهوریت جمهور رئیس محمد اشرف غني، نن غرمه د ارګ د دلګشا ماڼۍ په بڼ کې د یو نیالګي په کینولو سره د ۱۳۹۴ لمریز کال د پسرلي هرکلی وکړ.
باخترآژانس ته په رارسيدلې خبرکې ويل شوي دي.
جمهور رئیس غني له ټولو افغانانو وغوښتل چې په خپلو سیمو کې لږ تر لږه د یوه نیالګي په کینولو سره  خپل هېواد لا سمسور کړي.